О́zim bala kezden 2-toptaǵy múgedekpin. Taǵdyrdyń jazýy solaı shyǵar. Degenmen, osyndaı qıynshylyqqa moıymaı, salym sýǵa ketpeı, ómir súrýge umtylyp, qoǵamnan óz ornymdy tabýǵa tyrystym. Sondaı úlken armannyń jeteginde júrip sportqa keldim. 2008 jyldan bastap paýrlıftıngpen kásibı túrde shuǵyldanamyn. Bul turǵyda memleket tarapynan úlken kómek kórsetilip jatqanyn aıtqym keledi. 2009 jyly eń alǵash ret shetelge shyǵyp, Malaızııa elinde ótken Azııa oıyndaryna qatystym. Sol joly eshqandaı jetistikke jete almasam da bul jarys meni qanattandyrdy. О́mirime úlken ózgeris ákeldi. Sport arqyly bıik belesterdi baǵyndyryp, elimniń atyn shyǵara alatynyma sendim. Bir jyldan soń Azııalyq Olımpıada oıyndaryna baryp, qola júldemen oraldym. 2013 jyly Azııa chempıonatynda kúmis júlde ıelendim. Londonda ótken Paralımpıada oıyndaryna qatysyp, úzdik sportshy atandym. Az ǵana ýaqyttyń ishinde halyqaralyq sport sheberi ataǵyn qorǵap shyqtym. Munyń bári aıtqanǵa ońaı bolǵanymen, is júzinde kóp eńbekti qajet etetin dúnıe. Mine, osy turǵyda memleketimiz bizge zor qoldaý kórsetip keledi. Shetelde bolatyn jarystyń barlyǵyna jiberip, qarjylaı kómek kórsetip otyr. Onyń syrtynda alańsyz jattyǵý jasaý úshin jaǵdaıymyzdy jasaýda. Mysaly, jaqynda ǵana jattyǵýǵa qatynaý úshin bizge arnaıy avtokólik berildi. Budan bólek, paralımpıadashylarǵa arnalǵan jattyǵý zaly ashylady degen de jospar bar.
Sońǵy jyldary elimiz múmkindigi shekteýli adamdardy barynsha qoldap keledi. Olardy qaıta daıarlap, kásipke úıretip, jeńildetilgen nesıeler berip, kásipkerlikpen shuǵyldanýyna jaǵdaı týǵyzyp jatyr. Biz sekildi adamdardy taǵdyrdyń talqysyna tastamaı, qaıta barynsha qamqorlyq tanytyp, qoǵamǵa qajetti azamat retinde qalyptasýymyz úshin aıanyp qalyp jatqan joq. Osynyń barlyǵy memlekettiń qamqorlyǵy. Sondyqtan, men búgin tań sáriden turyp, ózimniń azamattyq mindetimdi oryndaý maqsatynda saılaý ýchaskesine kelip, óz tańdaýymdy jasadym. Osyndaı saıası dodaǵa elimizdiń bir azamaty retinde atsalysyp, memleketimizdiń kemel keleshegin jasaýda óz ornyń bar ekenin seziný de bir baqyt.
Kábıra ASQAROVA,
Azııa chempıonatynyń
kúmis júldegeri.
Qyzylorda oblysy.