ASTANA. 13 maýsym. Kásipqoı boksta el namysyn qorǵap júrgen qazaq boksshysy Isa Aqberbaev Global Boxing Council (Ǵalamdyq boks keńesi) tujyrymy boıynsha chempıondyq ataǵyn qorǵap qaldy. Bul týraly allboxing.ru portalyna silteme jasaǵan egemen.kz habarlady.
Germanııa astanasy – Berlın qalasynda ótken boks keshinde Isa brazılııalyq Jýlıo Sezar dos Santos esimdi boksshyǵa qarsy judyryqtasty. 12 raýndqa sozylǵan jekpe-jekte tóreshilerdiń sheshimimen qazaq boksshysy jeńiske jetti. Qazylardyń bergen baǵasy boıynsha Isa Aqberbaevtyń paıdasyna 117:110, 116:111, 117:110 esebi tirkeldi.
Osymen otandasymyz kásipqoı bokstaǵy 16-shy jeńisine qol jetkizdi. Búginge deıin 17 kezdesý ótkizgen bolyp sanalǵanymen, bir jekpe-jek ótpeı qaldy. Degenmen, resmı kórsetkishteri týraly aıtqan kezde ol kezdesý de esepke alynady. Iаǵnı, Isa 17 jekpe-jektiń 16-synda jeńiske jetti. 32 jastaǵy boksshy birinshi aýyr salmaqta óner kórsetetinin aıta keteıik.
Al osymen 32-kezdesýin ótkizgen 37 jastaǵy Brazılııa boksshysy úshin 5-shi jeńilis tirkeldi. Sáıkesinshe onyń 27 ret mereıi ústem boldy.
Elaman Qońyr.
Derek: egemen.kz.
Sýret: allboxing.ru.