Salyq tóleý tártibi jeńildeıdi

Qazirgi ýaqytta Salyq ko­deksinde arnaýly salyq rejiminiń 7 túri qarastyrylǵan. Onyń  4 túri – shaǵyn kásipkerlik sýbektilerine, 2 túri – aýyl sharýashylyǵy ónimderine, 1 túri bólshek saýda salyǵy shaǵyn jáne orta bızneske arnalǵan.

Kásipkerlikti damytýǵa qolaı­ly jaǵdaı jasaý maqsa­tyn­da Salyq kodeksinde jekelegen sa­lyqtardy esepteý jáne tóleý tártibin jeńildetý kózdelip otyr. Sondaı-aq bul rejimder je­ńildik mól­sherlemelerin jáne salyq júktemesin azaıtýǵa baǵyt­tal­ǵan basqa da tetikterdi bel­­gileıdi.

Memleket basshysy Qazaqstan halqyna Joldaýyn­da salyq re­jim­­derin ońtaılandyrýdy tap­syrdy. Osy maqsatta jańa Salyq kodeksinde arnaýly salyq rejim­de­riniń úsh túri usynylady:

1) ózin-ózi jumyspen qamty­ǵan­dardy (jeke tul­ǵalardy jeke tabys salyǵyn tóleýden bosatý, arnaıy mobıldi qurylǵylar boıynsha áleýmettik tólemderdi esepteý);

2) ońaılatylǵan deklarasııa ne­gizinde (ońaılatylǵan deklarasııa men bólshek saýda salyǵyn biriktirý);

3) sharýa jáne fermer qo­ja­lyqtary boıynsha (qol­da­nys­taǵy tártip saqtaldy, biryńǵaı jer salyǵynyń joıylýyna baı­la­nysty salyq tek jeke tabys sa­lyǵy túrinde tóle­netin bolady). Memleket basshy­sy­nyń Qazaqstan halqyna Joldaýyna sáıkes jańa Salyq kodeksin qabyldaý kelesi jylǵa shegerildi.

Jańa Salyq kodeksiniń jobasy aıasynda salyqtyq ákim­shilendirýdi ońaılatýǵa jáne sıfrlandyrýǵa erekshe kó­ńil bólingen. Negizgi maqsat – sa­lyq tóleýshilerdiń salyq min­dettemelerin qarapaıym oryndaýy. Qarym-qatynastyń bul formatyn qoldaný sa­lyq­tyq ákimshilendirýdi jeńildetip qana qoımaı, salyq tóleýshilerge habarlamalar men memlekettik qyzmetterdi jedeldetip alýǵa múmkindik beredi.

Seıiljan Ahmetov,

Qarjy mınıstrligi Memlekettik kirister komıteti tóraǵasynyń orynbasary