QYZYLORDA. 27 sáýir. Qyzylordada Elbasynyń senimdi ókilderi, Syr jastary bas qosqan «Tarıh tańdaǵan, halyq qoldaǵan» atty jeńimpazdar forýmy ótti. Bul týraly egemen.kz tilshisi habarlady.
Jınalǵan 2 000 adam prezıdenttik saılaýda jeńiske jetken Nursultan Nazarbaevqa osylaısha óz qurmetterin kórsetti. О́ńir basshysy Qyrymbek Kósherbaev Syr eli halqyna saıası naýqanda belsendilik tanytqandary úshin alǵys aıtyp, keshegi saılaýdaǵy Elbasy jeńisi barshaǵa ortaq qýanysh ekendigin atap ótti.
«Syn sátte syr bermegen Syr jurtshylyǵyn ortaq jeńispen shyn júrekten quttyqtaımyn. Saılaýdy uıymdastyryp, ony ótkizýge at salysqan barlyq azamattarǵa, ásirese, jastarǵa, árbir jerleske Elbasynyń atynan rızashylyǵymdy bildirip, rahmet aıtamyn. Sizder qosqan ún Táýelsiz Qazaqstannyń tolaǵaı tabystary bolyp jańǵyratynyna kámil senemiz. О́ıtkeni prezıdenttik saılaý arqyly halqymyz búginin baıyptaıtyn, bolashaǵyn bekemdeıtin sanaly tańdaý jasady. Bul jarqyn jeńisimiz kóshimizdiń túzý, kókjıegimizdiń shýaqty, baǵytymyzdyń durys ekendigin taǵy da aıǵaqtaı túsedi», – dedi Qyrymbek Eleýuly.
Ortalyq saılaý komıssııasynyń deregi boıynsha, Nursultan Nazarbaevqa saılaýshylardyń 97,7 paıyzy senim bildirgen. Qyzylordalyqtar da saıası naýqanda belsendilik tanytyp, halyqtyń 97,52 paıyzy saılaýǵa qatysty. Sondaı-aq, búgingi jeńimpazdar forýmynda qoǵam qaıratkerleri, zııaly qaýym ókilderi men Syr jastary jalyndy sózderin aıtyp, qýanyshtarymen bólisti.
Erjan Baıtiles.
Derek, sýret: egemen.kz.