ALMATY. 27 sáýir. Respýblıka saraıynyń aldyna elimizdiń kók týyn tolqyndata jelbiretip jınalǵan dýmandy jastar flesh-moby «Alǵa, Qazaqstan! Jasa, Nursultan!..» dep daýystady. Qazaqstandaǵy Prezıdent saılaýynyń jeńisi Almatyǵa osylaı keldi. Bul týraly egemen.kz tilshisi habarlady.
Qala ákimi Ahmetjan Esimov: «Barshańyzdy Prezıdent saılaýyndaǵy ortaq jeńisterińizben quttyqtaımyn, qurmetti almatylyqtar!», – dedi. Kúni búgin álemniń aqparat kózderiniń arasynda Qazaqstanda ótken Prezıdent saılaýyna halyqtyń qatysýyn sensasııaǵa baǵalap jatqandary da bar. Eldegi eń úlken shahar Almaty oǵan zor úles qosty. Belgili saıasattanýshy-ǵalym Ázimbaı Ǵalı ótken Prezıdent saılaýy týraly bylaı dedi: «Prezıdent Nursultan Nazarbaevtyń Qazaqstan halqy aldyndaǵy legıtımi buryn da joǵary bolatyn. Keshegi saılaý onyń qolyna kart-blansh alyp berdi. El seniminiń arqasynda erekshe qoldaýǵa ıe boldy. Halyqaralyq úlken keńistiktegi Elbasynyń bedeli men mártebesi kópshilikke aıan. Prezıdent Nazarbaev syrttan da, ishten de zor qoldaý alyp, eshqandaı daýsyz taza jeńiske jetti».
Talǵat Súıinbaı.
Derek, sýret: egemen.kz.