Elbasy Nursultan Nazarbaev Serbııa Prezıdenti Tomıslav Nıkolıchpen telefon arqyly sóılesti, dep habarlady Prezıdenttiń baspasóz qyzmeti.
Telefon arqyly sóılesý barysynda Tomıslav Nıkolıch Nursultan Nazarbaevty Qazaqstan Respýblıkasy Prezıdentiniń saılaýyndaǵy aıqyn jeńisimen quttyqtady.
Qazaqstan Prezıdenti Serbııanyń EQYU-daǵy tóraǵalyǵy Ýkraınadaǵy daǵdarysty retteýge jáne Uıymǵa múshe elderdiń syndarly únqatysýyn damytýǵa qyzmet etedi dep úmittenetinin jetkizdi.
Memleket basshylary Qazaqstan men Serbııanyń dostyq qarym-qatynastaryn odan ári nyǵaıtý baǵytyndaǵy birlesken jumysqa daıyn ekendikterin aıtty.
Telefon arqyly sóılesýge Serbııa jaǵy bastamashy boldy.