Memleket basshysy Qasym-Jomart Toqaevtyń halyqqa Joldaýynda zań men tártip, ekonomıkalyq ósim, qoǵamdyq optımızm máseleleri aıqyndalyp, strategııalyq baǵdar men aldaǵy naqty mindetter belgilendi.
Prezıdent memlekettiń ornyqty damýy úshin mańyzy zor ekonomıkalyq máselelerge basa nazar aýdardy. Shaǵyn jáne orta bıznesti qarjylandyrýdy kúsheıtýdi tapsyrdy. Ekonomıkalyq belsendilikti arttyrý maqsatynda arnaıy «Bankter týraly» zań qabyldaý qajettigin aıtty. Sol sekildi ınvestısııalyq ahýaldy jaqsartyp, bıznes júrgizýge qolaıly jaǵdaı jasaý jaıy da qozǵaldy.
Sonymen qatar «Amanat» partııasynyń brendine aınalǵan «Aýyl amanaty» jobasyn oń baǵalap, ony keńeıte túsýdi tapsyrdy. Elimizdiń ónerkásip áleýetin tolyq paıdalaný, ınfraqurylymǵa qatysty ózekti máselelerdi sheshý, kadrlyq áleýetti arttyrý máselesi de nazardan tys qalmady. Munyń barlyǵy Prezıdent aıtqan orta tapty qalyptastyrýdyń negizin qalamaq.
Infografıkany jasaǵan – Záýresh SMAǴUL ,«EQ»
Joldaýda qoǵamnyń qyzý talqysyna aınalǵan AES salý máselesi qozǵaldy. Memleket basshysy atom elektr stansasyn salý máselesine qatysty jalpyulttyq referendým bıylǵy 6 qazanda ótetinin aıtty. Iаǵnı osy asa ózekti bastama boıynsha sheshimdi tikeleı halyq qabyldaıdy.
Prezıdent aıtqandaı, «Negizgi maqsat – ádiletti qoǵam qurý jáne sol arqyly damýdyń sara jolyna túsken ozyq el bolý». Osyǵan jol ashatyn Joldaýda kózdelgen bastamalar men tapsyrmalardyń júzege asyrylýyn zańnamalyq turǵydan qamtamasyz etýge Májilistegi «Amanat» partııasy fraksııasynyń depýtattary barynsha atsalysady.
Búginde kóptegen el tabıǵı, ekologııalyq taza azyq-túlik ónimderine zárý. Reseıde de tabıǵı ónimderge degen suranys artyp tur. Soltústiktegi kórshimizdi aýyl sharýashylyǵy taýarlarymen, ásirese, baý-baqsha ónimderimen barynsha qamtamasyz etip otyrǵan elderdiń biri – О́zbekstan. Aldaǵy ýaqytta biz osyndaı eldermen tikeleı básekelese alatyn jaǵdaıǵa jetýimiz kerek.
Memleket bıyl egin naýqanyna eki ese kóp qarajat bóldi. Biraq osy agroónerkásipke bólinetin búkil aqshanyń 70 paıyzy – memleket qarjysy. Prezıdent osy jerde oryndy másele kóterip otyr. Iаǵnı Úkimetke bul salaǵa kommersııalyq bankterdiń qarajatyn da tartý qajettigin tapsyrdy. Osyǵan deıin dıqandardy qoldap kelgen memlekettik qarjy ınstıtýttaryn sýbsıdııalaý sharalaryn bankterge qatysty jobalarǵa da qoldaný – quptarlyq-aq qadam.
«Munyń bári sharýalardy aınalymǵa qajetti qarajatpen shuǵyl qamtamasyz etýge, sybaılas jemqorlyq qaterin azaıtýǵa jáne nesıe alýdy ońtaılandyrýǵa jol ashady. Agroónerkásip keshenin tikeleı sýbsıdııalaý tásilinen arzan nesıe berý tásiline birtindep kóshý – asa mańyzdy mindet», dep Qasym-Jomart Kemeluly bólingen qarajattyń bári tıimdi jumsalýǵa tıis ekenin de eskertti.
Ol úshin bul saladaǵy sıfrlardyń naqtylyǵy asa mańyzdy orynǵa ıe. Joldaýda Memleket basshysy aýyl sharýashylyǵyndaǵy derekterdiń múldem úılespeıtinin aıtty. Shyndyqqa janaspaıtyn aqparat berip, málimetterdi burmalaý aýyl sharýashylyǵyndaǵy shynaıy ahýaldy baǵalaýǵa kedergi keltirip otyrǵany jasyryn emes.
Joldaýda aıtylǵandaı arnaıy komıssııa 2 mıllıon iri qara jáne 3 mıllıonnan asa ýaq mal sanda bar bolǵanymen, sanatta joq ekenin anyqtapty. Egin sharýashylyǵy salasy da osyndaı kertartpa jaıttan aryla almaı otyr. Al bunyń artynda Memleket basshysy aıtpaqshy, shyn máninde, qazyna qarjysynan qaıtken kúnde de sýbsıdııa alý jolynda jasalǵan ákki amaldar, naǵyz kózboıaýshylyq tur. Endigári mundaı ispen aınalysqan adamdardyń jaýapkershiligin kúsheıtip, qylmyspen para-par ondaı áreketterge tosqaýyl qoımasaq, biz asyraýshy salada aıtarlyqtaı tabysqa jete almaımyz, aldyńǵy qatarly eldermen esh básekelese almaımyz. Biz kimdi aldap otyrmyz? Iаǵnı memleketimiz halyqty turaqty, qaýipsiz azyq-túlikpen qamtamasyz etemiz deıtin bolsa, onda osy salaǵa barynsha basymdyq bergen jón. Bul tikeleı halyqtyń turmystyq tabysyn arttyrýǵa septesedi.
Elnur BEISENBAEV,
Májilis depýtaty