Qysqa daıyndyqty jazda qolǵa alǵan Aqtaý qalasynda jylý qubyrlaryn jóndeý jumystarynyń saıabyrsýy turǵyndardyń alańdaýyna túrtki boldy. «Kún sýytyp keledi, jylý qosylý ýaqyty jaqyndady, kóshedegi jumystar baıaý júrip jatyr», dep jurt jergilikti ákimdikti mazalaı bastady.
Al jergilikti ákimdik mejelengen merzimge úlgeretinin aıtady. Qazirde Aqtaý qalasynyń magıstraldyq jylý jelilerin jańǵyrtý jumystary qaıtadan qarqyn aldy. Jylýmen jabdyqtaý jelisiniń 11,4 shaqyrymy 11 ýchaskege bólinip, jumystar kúsheıtilgen rejimde júrgizilip jatyr. Mańǵystaý oblystyq energetıka jáne turǵyn úı kommýnaldyq sharýashylyq basqarmasy basshysynyń orynbasary Abaı Estekbaevtyń aıtýynsha, josparlanǵan 11 myń shaqyrymnan astam aýmaqtyń 10 myń shaqyrymnan astam bóliginde qurylys-montajdaý jumystary aıaqtalǵan.
Bul jóndeý jumystarynyń Aqtaýdy damytýǵa tikeleı qatysy bar. О́ıtkeni 50 jyl, ıaǵnı jarty ǵasyr boıy jóndeý kórmegen jylý qubyrlarynyń jańartylyp jatqany – erekshe qýanýǵa turatyn nátıje.
«Jańartýǵa qajetti qubyrlar 100% satyp alynyp, Aqtaý qalasyna jetkizildi, montajdaý 90%-ǵa oryndaldy. Atalǵan jumystardy qazan aıyna deıin aıaqtaý úshin kúsheıtilgen rejimde jumys istep jatyrmyz, alańdaýǵa negiz joq», deıdi A.Estekbaev.
Demek mamandardyń sózine sensek, Aqtaýda jylý berý maýsymyna qatysty kúrdeli, kúlbilteli másele joq. Jasalyp jatqan bataly isterdiń bastysy – jarty ǵasyr aýyspaǵan jylý qubyrlarynyń jańartylýy. Onyń ıgiligin qalyń buqara qazan aıynan bastap kóredi.
Mańǵystaý oblysy