Senator Sergeı Karplıýk Qostanaı oblysyndaǵy Qarabalyq aýylyna baryp, aýdandyq aýrýhana ujymymen kezdesti, dep habarlaıdy Egemen.kz.
Senattyń baspasóz qyzmetiniń málim etýinshe AES salý – atalǵan júzdesýdiń basty taqyryby boldy. Sergeı Karplıýk atom elektr stansasyn salý Qazaqstannyń energetıkalyq sektorynyń bolashaǵy úshin serpindi qadam ekenin atap ótti.
«Qazaqstan ózin qaýipsiz, ekologııalyq taza jáne ornyqty energııa kózimen qamtamasyz etýine múmkindik beredi. Atom elektr stansasy budan bylaıǵy damý úshin asa mańyzdy. Referendým - óz kezeginde Qazaqstannyń árbir turǵynyna osynaý strategııalyq mańyzdy másele boıynsha óz ustanymyn bildirý múmkindigi», dep atap ótti Senat depýtaty.
Senator sonymen qatar kezdesýge qatysýshylardyń suraqtaryna jaýap berdi. Onyń aıtýynsha, jobany iske asyrý barysynda ekologııany qorǵaýǵa basymdyq beriledi.