Japonııa – tabıǵat pen tehnologııanyń úılesimdiligine erekshe mán beretin el. Memleket 2013 jyly «Mainichi» atty erekshe gazet shyǵaryp, ǵalamshardyń bolashaǵyna qamqorlyq jasaýdyń tyń tásilin usyndy.
Atalǵan basylym arnaıy óńdelgen qaǵazdan jasalǵan. Iаǵnı onyń quramyna tabıǵı ósimdik talshyqtary men aǵash tuqymdary engizilgen. Oqyrman gazetti oqyp bolǵan soń, ony kishkene bólshekterge bólip, topyraqqa otyrǵyza alady. Al sýarǵanda tuqymdar belsenip, gazettiń qaldyqtary tolyqtaı bıologııalyq túrde ydyraıdy. Nátıjesinde, birneshe aıdan keıin gazetten gúlder nemese aǵash kóshetteri ósip shyǵady.
Eń kishkentaı gazet
Fransııanyń «Terra Nostra» gazeti 2012 jyly álemdegi eń kishkentaı basylym retinde Gınness rekordtar kitabyna endi.
Kólemi nebári 3,5h2,5 santımetr ǵana bolǵandyqtan, ony tek mıkroskoppen oqýǵa bolady. Bul shaǵyn basylymda saıası, mádenı jáne qoǵamdyq taqyryptar qamtylyp, dástúrli gazet formatyndaǵy maqalalar usynyldy. Osylaısha, joba avtorlary gazettiń tek aqparat jetkizýshi qural ǵana emes, sonymen qatar ónerdiń, shyǵarmashylyqtyń, jańa tehnologııalardyń toǵysynda damıtyn sala ekenin dáleldedi.
Eń aýyr «etjeńdi»
1987 jyly shyqqan «The Sunday New York Times» gazetiniń jeksenbilik nómiri tarıhta qaldy.
Sol kúngi basylymnyń basty ereksheligi – onyń 1 612 betten turýy, salmaǵynyń 5,4 kılogramǵa jetýi. Munda maqalalardan bólek, kompanııalardyń jarnamalary keńinen jarııalandy. Osylaısha, gazettiń bul nómiri aýqymdylyǵymen Gınness rekordtar kitabyna endi.