Memleket basshysynyń jańa Joldaýynda júzge jýyq bastama kóterilip, mindetter belgilendi, tapsyrmalar berildi. Qoǵamnyń árbir segmenti bul baǵdarlamadan ózderine qajetti keıs tapty. Eń bastysy, bul joly da azamattardyń ómir súrý sapasyn, olardyń tabysyn arttyrýǵa basa nazar aýdaryldy.
Joldaýda birinshi kezekte ekonomıkalyq damýǵa basa nazar aýdaryldy. Aldyńǵy Joldaýlarda qoıylǵan belgili bir mindetter áli de sheshilip jatyr, olar bıylǵy qujatta da kórinis tapqan. Joldaýdyń negizgi basymdyqtarynyń ishinde bılik jumysynyń negizgi kórsetkishterin qalaı qalyptastyrǵanyn atap ótýge bolady. Prezıdent bılik adamdardyń ádildikke degen suranysyna qulaq asatynyn jáne bul ómirdiń kóptegen salasyna qatysty ekenin ashyp aıtty. Joldaýdy iske asyrý jónindegi jalpyulttyq is-sharalar jospary paıda bolǵan soń, onda nátıjelerdi qamtamasyz etýge jaýaptylar kórsetiledi, osynyń bári Prezıdent Ákimshiliginiń baqylaýynda bolady.
Qazir qoǵamdyq sanada irgeli ózgerister bolyp jatyr. Azamattardyń quqyqtyq mádenıet deńgeıi artyp keledi. Jańa minez-qulyq úlgileri qalyptasyp, jańa qundylyqtar ornyǵý ústinde. Basqasha aıtqanda, halyq eskige oralýdy qalamaıdy, bılik muny ishinara túsinip úlgerdi. Sondyqtan Memleket basshysy elishilik osy problemalardy sheshýge basymdyq berdi. Qol jetken jetistikten keri sheginbeý – naryq zańy. Basty kúsh-jiger halyqtyń tabysyn jumyldyrýǵa baǵyttalady.
Prezıdenttiń bankter týraly jańa zań qabyldaý, salyqtyq ákimshilendirý kezinde jazalaý tásilinen bas tartý tárizdi birqatar usynysyn bóle-jara aıtý kerek. Jańa Salyq kodeksin qabyldaý máselesinde asyǵystyqqa jol berilmeıdi jáne zańdy sapaly deńgeıde daıyndaý úshin ony qabyldaý kelesi jylǵa aýystyryldy. Bul – ekonomıkany alǵa jyljytýǵa kómektesetin mańyzdy qadam.
Qysqasy, baǵdarlamalyq qujatta qoǵam ómirine qatysty barlyq sala qamtyldy. Kókeıde júrgen kóp saýalǵa jaýap berildi. Endigi kezekte mezgil mejelegen mańyzdy mindetterdi iske asyrýǵa bárimiz de bir kisideı atsalysýymyz kerek.
Edýard POLETAEV,
saıasattanýshy