Shaıdorov erledi

Olım­pııa oıyndary men álem chem­pıo­nattarynyń júl­degeri Denıs Tendi eske alýǵa arnalǵan dúbirli dodanyń alǵashqy júl­delerin áıelder sarapqa saldy. Bıyl ǵana Reseıden Qazaqstanǵa qonys aýdaryp, bul kúnderi eli­mizdiń týy astynda óner kór­setip júrgen Sofıa Samo­delkına qorytyndy esepte 189,67 upaı jınap, kúmispen kúpteldi. Ol tek óziniń bu­rynǵy otandasy Anastasııa Gý­banovadan qalyp qoıdy. Tolıattıdiń týmasy qazirgi kezde Grýzııanyń namysyn qorǵap júr. A.Gýbanova 195,91 upaı jınady. Qola medaldy úndistandyq Lara Nakı Gýttman (188,86 upaı) ıelendi.

Jalpy, besinshi ret uıym­­dastyrylyp otyrǵan týrnırde elimizdiń máner­lep syr­ǵanaýshy qyzdary birde-bir ret jeńis tuǵy­ry­nyń eń bıik satysyna kóterilgen emes. Buǵan deıin­gi jarystarda reseılik Se­rafıma Sahanovıch (2019 jyly), belorýssııalyq Vık­torııa Safonova (2021), oń­tús­tikkoreıalyq Kım Mın Chhe (2022), ızraıldik Marııa S­enıýk (2023) jeńimpaz atan­ǵan edi.

Erler saıysynda Mıhaıl Shaıdorovqa aıryqsha senim arttyq. Osydan eki jyl buryn jastar arasyndaǵy álem birin­shiliginiń kú­mis júl­degeri atan­ǵan otandasymyz eresekter arasynda da jaqsy nátı­je kórsetip júr. Onyń ústine jigitterimiz de Denıs Tenniń týrnırinde top jarǵan emes. Bul rette eń úzdik ná­tıjege Dıas Jırenbaev qol jetkizgenin aı­ta ketken abzal. 2022 jyly ol kúmis medal enshiledi. Al bas júl­deniń ekeýin grýzııalyq Mo­rıs Kvıtelashvılı (2019) men Nıka Egadze (2022) oljalasa, reseılik Petr Gýmennık (2021) pen koreıalyq Im Djý Honda (2023) bir-bir retten daralandy.

Ishki túısigimiz aldamaǵan eken, Almatyda keremet óner kórsetken Mıhaıl Shaıdorov altyn medaldy moınynda jarqyratty. 262,33 upaıdy qor­jynǵa salǵan ol barlyq qar­­sylasynan qara úzip ketti. Kúmis pen qola medal ázer­baı­jandyq Vladımır Lıt­vınsev (246,00) pen grýzııalyq Nıka Egadzege (242,43) bu­ıyrdy.