Referendýmǵa Ázerbaıjannan – 13 adam, Parlamentten – 6, Ortalyq saılaý komıssııasynan 7 adam keldik. Qazaqstandaǵy dıplomatııalyq mıssııadan taǵy 3 adam bar. Saǵat 15.00-ge deıin 45 ýchaskege baryp, daýys berýdi baqylap úlgerdik.
Qazaqstan saılaý quqyǵy tolyq iske asyrylyp jatqan eldiń jaqsy úlgisi bola alady. Ár ýchaskede kem degende 10 baqylaýshy kezekshilikte boldy, buqaralyq aqparat quraldarynyń ókilderi de qatysty.
Men bir ýchaskede turǵyndardyń kishkentaı balalarmen birge kelgenin kórip qatty tańdandym. Olar daýys bere almaıtyndary ras qoı, alaıda ata-analary daýys bergende qýanyshty júzi baıqaldy. Bir ýchaskede olar bizdi balalarmen birge sýretke túsirip aldy. Úlkeni de, kishisi de daýys berýden habardar, osyndaı jaǵdaılardan qazaq halqynyń erkin ekenin, óziniń úlesin qosqyny keletinin ańǵarýǵa bolady.
Daýys berý barysynda, tipti, bolmashy da zań buzýshylyq oryn alǵan joq. Ýchaskelerde daýys berýshilerge barlyq jaǵdaı jasalǵan. El turǵyndary óz erikterimen tańdaý jasaǵanyna senimdimin.
Mazaır PANAHOV,
Ázerbaıjan Ortalyq saılaý komıssııasynyń tóraǵasy