Elimiz shyn máninde ádiletti, halyq ıgiligine jumys isteıtin qýatty memleketke aınalatynyna kámil senemin. Referendýmǵa daıyndyq aldynda AES salýdy qoldaý jónindegi oblystyq shtabtyń quramynda halyqpen kezdesýlerge qatysyp, ekonomıkalyq bastamanyń paıdasy men máni jaıynda jurtshylyqqa túsindirýge tyrystym.
Ataqty ǵulama Máshhúr Júsip Kópeıuly: «Qazaqqa qoı ústine boztorǵaı jumyrtqalaıtyn zaman áli-aq keledi» dep aıtyp ketken. О́zim tańdaý jasaǵan ýaqytta elimizdiń ál-qýaty tasyp, keleshegi kemel, ekonomıkasy damysyn dep turyp daýys berdim. Barlyq jurttyń oılaǵany da, kózdegeni de – tynyshtyq. Elimizdiń shekarasy bútin, halyqtyń kóńili toq bolsa, odan artyq baqyt joq.
Memleket basshysy Qasym-Jomart Toqaev ár Joldaýlarynda elimizdiń qaryshtap damýyna qajetti qadaý-qadaý máselelerdi qamtıdy. Atap aıtqanda, ónerkásip, týrızm, aýyl sharýashylyǵy salalaryn damytý jáne ınfraqurylymdy nyǵaıtý máselelerine zor mán berdi. Sondaı-aq energetıkalyq qaýipsizdik, tarıf saıasatyn qaıta qaraý, eldi gazben qamtamasyz etý máseleleri de nazardan tys qalmaıdy. El keleshegine qatysty mańyzdy máseleni jalpyulttyq referendýmda sheshiletinin aıtyp, onyń nátıjesin búgin tarazyǵa salyp otyrmyz. Jalpy, bul referendým turǵyndardyń turmys sapasyn jaqsartýǵa baǵyttalǵan ekonomıkalyq is-shara dep túsinemin.
Baqytjamal MAKSILOVA,
Pavlodar oblysy Qazaqstan halqy Assambleıasy Analar keńesiniń tóraǵasy