AQTAÝ. 28 qańtar. Mańǵystaý oblysynda áıel poıyz astyna túsip óldi. Bul týraly egemen.kz tilshisi habarlady.
Oqıǵa 26 qańtar kúni Mańǵystaý stansasynda oryn alǵan. 34 jastaǵy áıel jaqyndap qalǵan poıyzdyń astyna qulaǵan. Mashınıst dereý tejegishti basqanmen, áıeldi aman saqtap qalýǵa úlgermegen. Áıeldiń denesi ekige bólinip, oqıǵa ornynda jan tapsyrǵan. «Aldyn ala málimetter boıynsha, oqıǵanyń kýágerleri áıeldiń ózine ózi qol jumsaǵandyǵyn aıtýda jáne ol mundaı jaǵdaıǵa týystarymen aradaǵy renishke bola barǵan» dep habarlaıdy quqyq qorǵaý ornydarynyń málimetine súıengen Lada.kz saıty. Qazirgi tańda tergeý amaldary júrgizilýde. Oqıǵanyń naqty mán-jaıy tergeý nátıjesinde anyqtalatyn bolady.
Gúlaıym Shyntemirqyzy.
Derek: egemen.kz.
Sýret: Lada.kz.