Eń aldymen Álemdik jáne dástúrli dinder kóshbasshylary sezi Hatshylyǵynyń HII otyrysyn joǵary deńgeıde uıymdastyryp, ótkizgeni úshin Qazaqstan Prezıdenti Qasym-Jomart Toqaevqa, osy saladaǵy ózge de jaýapty tulǵalarǵa alǵysymdy jetkizgim keledi. Bul – búkil álemge izgi nıetin arnaıtyn ári jalyndy sálemin joldaıtyn berekeli basqosý.
Mundaı jıyn qazirgi tańda adamzat balasyna aýadaı qajet bolyp tur. Búginde álemniń kóptegen elinde qandaı jaǵdaı bolyp jatqanyn kórip otyrmyz. Bir elderde qarýly qaqtyǵystar, basqalarynda gýmanıtarlyq daǵdarys oryn alyp jatyr. Sonyń ishinde keı memleketterdegi musylman baýyrlarymyzdyń qandaı kúı keship jatqanyn bárimiz bilemiz. Osy basqosýda Qazaqstan Parlamenti Senatynyń tóraǵasy Máýlen Áshimbaev Taıaý Shyǵysta oryn alǵan keleńsizdikterdi qozǵap ótti. Bárimiz bir oıǵa toqtap, atalǵan máseleni sheshýde tize qosýymyz kerek ekenin málimdedi. Men bul oıdy tolyq qoldaımyn jáne osyndaı irgeli jıyndar álemdegi qaqtyǵystar men kıkiljińderdi sheshýge oń yqpal etedi dep senemin.
Musylman aqsaqaldar keńesiniń de maqsaty – beıbitshilik pen jahandyq dinaralyq dıalogti nyǵaıtý. Biz beıbitshilik pen yntymaq jolynda jumys júrgizip kele jatqan táýelsiz halyqaralyq uıymbyz. Buǵan deıin Shveısarııa, Mysyr, Marokko elderinde fılıaldarymyz ashylsa, byltyrdan beri Astanada da fılıalymyz jumys istep jatyr. Qazaqstanmen konfessııaaralyq kelisim men dinaralyq dıalog salasynda tájirıbe almasyp kelemiz.
Muhammed ÁBDELSALAM,
Musylman aqsaqaldar keńesiniń bas hatshysy (BAÁ)