«Qazanat» dúbirge bólengen kún

Astana qalasy más­lı­hatynyń tóraǵasy, Ulttyq jáne olım­pıa­dalyq at sporty túrleri fed­era­sııasynyń prezıdenti Erlan Qana­lımov ıgi is-shara dástúrge aınalyp, jyl saıyn jalǵasyn tabatynyn aıtty.

«Astana qalasynda ótken Dúnıejúzilik kóshpeliler oıyndaryna oraı kúrdeli jón­deý júrgizilip, barlyq talapqa saı jańartylǵan «Qazanat» ıp­podromy ulttyq sport oıyn­darynyń ordasyna aı­nalýǵa tıis. Etnosportqa kóp­shiliktiń qyzyǵýshylyǵy artýyna kóshpeliler oıyndary zor septigin tıgizdi. Tól óner­­di túletýde mundaı fes­tı­­val uıymdastyrýdyń ma­ńyzy zor. Astananyń atsha­baryn­da eki kúnge ulasqan saıys dástú­rimizdi jańǵyrtyp, ult­tyq qun­dy­lyǵymyzdy ulyq­taýǵa serpin beredi», dedi E.Qana­lımov.

Aldymen kókpardan eresekter arasynda soltústik aı­maq komandalarynyń tartysy ótti. Astana, Qaraǵandy qala­larynyń, Qostanaı, Aq­mola, Soltústik Qazaqstan, Pav­lodar, Qaraǵandy oblys­tarynyń kók­parshylary tartysqa tústi. Soltústik aımaq­taǵy komanda­lar arasyndaǵy respýb­lıka­lyq týrnırdiń fı­naldyq synyna Qostanaı oblysy men Astana qalasynyń shabandoz­dary shyqty. 4:2 esebimen qostanaılyqtar chempıon atanyp, 5 mıllıon teńge ıelendi. Kúmis medal buıyrǵan astana­lyqtar 3 mıllıon teńge syı­aqymen marapattaldy. Al qola medalǵa tartys Qaraǵandy shahary men osy oblystyń sportshylarynan jasaqtalǵan komandalar arasynda órbip, qa­lalyq kókparshylardyń me­reıi ústem boldy. 3-orynǵa – 2 mıllıo­n, 4-orynǵa 800 myń teńge berildi. 5-oryn buıyrǵan elorda komandasy men 6-oryndy mise tutqan Soltústik Qa­zaqstan oblysynyń komandalaryna 600 myń teńge tabys­taldy. Astanalyq kókparshy Aleksandr Pýpenko týrnırdiń úzdik oıynshysy atandy.

Kókpar dodasynan keıin kórermender báıge túrlerinen ótken jarysty tamashalady. 25 shaqyrymdyq alamanǵa 21 júırik qosyldy. Astanalyq Dýlat Nur­muhanbet tizgindegen Gaýhar qyzy top jaryp, 4 mıllıon teńgeni oljalady. 2-oryn Aqmola oblysynan kelgen shabandoz Álibek Nur­ǵazynyń Marjanyna bu­ıyrdy, júldesine 2,5 mıllıon teńge berildi. Nur­sáýlet Erbo­lovtyń taqymyndaǵy Salpań­qulaq (Abaı oblysy) 3-oryn ıelenip, at ıesiniń qanjy­ǵasyna 1,5 mıllıon teńge syıaqy baılandy. Máre syzyǵyn Molı (Abaı oblysy) arǵymaǵymen tórtinshi bop qıǵan Qýanyshbek Tólendınov 300 myń teńge syı­aqy aldy. 5-oryn Dúısenbek Baqdáýlet mingen Kókshoqaıǵa (Qaraǵandy oblysy) buıyryp, 200 myń teńge oljalady.

Top báıgege 13 at qosylyp, 15 shaqy­rymǵa aıdaldy. Almaty oblysynan kelgen shaban­doz Sembek Muqaǵalı Aıtorǵan arǵy­maǵymen jeńimpaz atanyp, 2,2 mıllıon teńgege ıe boldy. Álibek Nurǵazy shabandoz Sa­laýat sáıgúligimen (As­tana qa­la­sy) 2-oryn aldy. Uıymdas­ty­rý­shylar top báıgeniń ekin­shi júl­desine 1,3 mıllıo­n teń­ge tabys­tady. Úshtikti túıin­degen Er­alym Medetulyna (Túıe­to­ry, Astana qalasy) 900 myń teńge berildi.

9 shaqyrymǵa júıtkigen qunan báıgede 18 shabandoz baq synady. Temirlan Zastenko Sarma júırigimen top jarsa, Ámir Serik Qyzyljar tulparymen 2-oryn aldy. Qýa­nyshbek Tólendınov mingen Shyńǵystaý 3-oryn ıelendi. 1-orynǵa – 2 mılllıon, 2-orynǵa – 1 mıllıon, 3-orynǵa 500 myń teńge berildi.

Kópshilikti jorǵa mingen shaban­doz­dardyń da sheberligi súısintti. Abaı oblysynan kelgen Shabdan Almasbekuly «Pro­fessor» atty jorǵasymen jeke-dara kelip, 2 mıllıon teńge utyp aldy. 2-oryn Trıýmf jor­­ǵasyn tizgindegen asta­nalyq Álııa Toqtasynovaǵa buıyryp, 1 mıllıon teńge enshiledi. 3-oryndy Das­tan Álı­baqasov «Iаro Sın» jorǵasymen ıe­lenip (Abaı oblysy), báıgesine 600 myń teńge berildi.