Ǵasyrlar boıy ańsap kelgen azattyq bárimizge qymbat. Sol baǵa jetpes baılyǵymyzdyń aıǵaǵyndaı Respýblıka kúni – san ǵasyrdan beri babalarymyzdyń úmiti, naızanyń ushymen, bilektiń kúshimen kelgen mereke. Halqymyzdyń keýdesin qýanyshqa toltyryp, dýmandatyp toılaıtyn aıtýly kún.
Memleket basshysy Qasym-Jomart Toqaev aıtqandaı, ár qazaq osy kúnniń baǵasyn bilýi qajet. Onyń ústine, qoǵam ishinde ádildik ornap, ulttyq qundylyqtarymyz qaıta nasıhattalyp jatyr. Ulttyń mádenı ómiriniń jańa tynysy ashyldy.
Shynynda, Respýblıka kúni óz mánin qaıta tapty. Bul jóninde kóptiń tolǵanysty pikirleri ulttyq merekeniń máni men mańyzyn asha túserlik dárejede bolýǵa tıis. Onyń túıini qazaq halqynyń tatýlyǵy, jetken jetistigi, ulttyq strategııalyq múddesinde jatyr. Iri tulǵalar, qoǵam qaıratkerleri qalyń buqaraǵa táýelsizdiktiń mánisin ashyp, osy uǵymdy tarıhı turǵyda tereńnen taldap berýi kerek. Osy kúni egemen elimizdiń kóginde bizdiń mentalıtetimizge jaqyn, júregimizdi terbetip, jylý beretin án-áýezder qalyqtasa ıgi. Meniń túsinigimde, qazaq aspany erkindikpen boıalǵan.
Qazaq «jaqsy sóz – jarym yrys» deıdi, osy kúni tilegimiz – túzý, nıetimiz – aq, kóńilimiz kirshiksiz qalypta Otanymyzben maqtanaıyq, birligimizdi nyǵaıtaıyq, eldigimizdi tanytaıyq.
Januzaq MÚSÁPIR,
Abaı atyndaǵy Memlekettik syılyqtyń laýreaty, sýretshi