Sharaına
Reseı úkimeti daǵdarysqa qarsy josparyn usyndy. Qujat keshe Reseı úkimetiniń saıtynda jarııalandy. Jospar, atap aıtqanda, shyǵyndardyń kópshiligin 10 paıyzǵa qysqartýdy kózdeıdi.
Qorǵanysqa, aýyl sharýashylyǵyn qoldaý men Reseıdiń halyqaralyq mindettemelerin oryndaýyna baılanysty josparlanǵan shyǵyndar ǵana ózgerissiz qalady. Sondaı-aq, barlyq áleýmettik mindettemeler oryndalatyn bolady. Jańa jobalardyń birshamasyn júzege asyrý keıinge shegerilip otyr. Memlekettik bılik organdaryn qamtamasyz etýge arnalǵan shyǵyndar da qysqarady. Tutastaı alǵanda, úsh jyl bederinde bıýdjet shyǵyndaryn ár jyl saıyn 5 paıyzǵa kesip otyrý josparlanǵan.
Lıvııa qonaqúıindegi qantógis
Lıvııanyń astanasy – Trıpolı qalasyndaǵy bes juldyzdy Corinthia qonaqúıine basa-kóktep kirgen qarýly bes adam úsh kúzetshini óltirip, kepildikke adamdar alǵan. Kepildikke qansha adamnyń alynǵany naqtylanbaıdy.
Buǵan qosa, meımanhana aıaldamasyna qoıylǵan kólik jaryp jiberilgen. Kólik jarylysynan, aldyn ala esep boıynsha, 11 adam qaza tapqan. Olardyń arasynda ıtalııalyq, túrkııalyq jáne brıtanııalyq azamattar bar eken. Lańkester 24-shi qabatqa kóterilgennen keıin quqyq qorǵaý organdary qyzmetkerleriniń qyspaǵynda qalǵan. Endi qutyla almastaryn bilgen olar óz-ózderin jaryp jiberýge sheshim qabyldaǵan. Al kepildikke alynǵandardyń arasynda kóz jumǵandar bar-joǵy ázirshe belgisiz.
Otyz adamdy urlap ketti
Terrorıstik «Islam memleketi» delinetinniń qarýly jasaǵy Iraktyń Mosýl qalasynan 30 adamdy urlap ketti. Olar adamdardy peshmerger kúshterimen aýyz jalastyńdar dep aıyptap, belgisiz jaqqa alyp qashqan.
Oqıǵa lańkester qalada júrgizetin reıdterdiń birinde oryn alǵan. Al Mosýl qalasy «Islam memleketiniń» kóshbasshysy, ózin Ibragım degen atpen «halıf» dep jarııalaǵan Ábý Bákir ál-Baǵdadıdiń buıryǵymen «IM»-niń astanasy dep atalǵan bolatyn. Osy jerde aıta ketetin bir jaıt, 26 qańtarda Irak áskerıleri «Islam memleketiniń» jasaqtarynan Dııalak provınsııasyn azat etken bolatyn. Buǵan deıin kúrd kúshteriniń ıslamshylardan Sırııanyń soltústigindegi Kobanı qalasyn tolyq bosatqany habarlanǵan edi.
Grekııada jańa úkimet jasaqtaldy
Keshe Grekııanyń prezıdenttik saraıynda memleket basshysy Karolos Papýlıastyń qatysýymen eldiń jańa mınıstrler kabıneti ant qabyldady. Jergilikti buqaralyq aqparat quraldary habarlaǵanyndaı, SIRIZA partııasynan ókilettik etetin barlyq derlik mınıstr rásimge galstýksiz kelipti.
Olar jaqynda Grekııa konstıtýsııasyn saqtaýǵa ant bergen premer-mınıstr Aleksıs Sıprastyń qylyǵyn qaıtalasa kerek. Buǵan deıin Sıpras úkimetti bar-joǵy 10 mınıstrden jasaqtaǵan bolatyn. Sheshýshi laýazymdardyń biri – úkimet basshysynyń orynbasary oryntaǵy depýtat-ekonomıst Iаnnıs Dragasakıske tıgen. Ol Eýropadaǵy qarjy ınstıtýttaryna qatysty qatań ustanym tanytýymen tanymal. Endi Dragasakıs Eýrokomıssııa, Eýropa Ortalyq banki, Halyqaralyq valıýta qory sekildi kredıtorlardyń «úshtigimen» kelissóz júrgizetin bolady.
Qar ákelgen shyǵyn – 500 mln. dollar
AQSh-tyń soltústik-shyǵysyndaǵy keıbir shtattar qalyń qardyń astynda qaldy. Máselen, eldegi asa iri megapolıs – Nıý-Iork bıznesi kólik jumysy shektelýi saldarynan 200 mıllıon dollar zardap shekti.
Qalyń túsken qardan qoǵamdyq kólik júrisi toqtap qalýy saldarynan Nıý-Iorktiń kóptegen turǵyndary dúkenderge, meıramhanalarǵa, kınoteatrlar men mýzeılerge barýdan bas tartýǵa májbúr bolǵan. Osylaısha qaladaǵy kásipkerlerdiń qaltasy bos qalǵan. О́z kezeginde, sarapshylar AQSh-tyń qalyń qardan zardap shekken soltústik-shyǵysyndaǵy shtattaryna kelgen jalpy shyǵyn 500 mıllıon dollar dep otyr. Aýa raıynyń qolaısyzdyǵynan myńdaǵan avıareıster keıinge shegerilse, joldar men týnnelder, kópirler jabylǵan.
Satýrnnyń alyp syńary tabyldy
Nıderland pen AQSh-tyń astronomdary jas ta alyp J1407 ekzoplanetasyn tapty. Bir atap kórseterligi sol, onyń saqınasy Satýrn saqınasynan shamamen 200 ese úlken eken. Naqtylaı tússek, J1407 saqınasynyń dıametri 120 mıllıon shaqyrymǵa jetetin kórinedi.
Jańa tabylǵan planeta saqınasynyń mańaıynda kóptegen serikter shoǵyrlanǵany baıqalǵan. Olardyń arasynda kólemi jaǵynan Jer nemese Marsqa teń keletinderi de kóp kórinedi. Al saqınanyń quramy tastar men shań-tozańdardan jáne asteroıdtardan turatyny anyqtalypty. J1407-niń Jerden qashyqtyǵy shamamen 417 jaryq jylyna teń delinip otyr. Ǵalymdardyń baǵamdaýynsha, salmaǵy 40 Iýpıterdiń salmaǵynan asatyn kórinedi.
Qysqa qaıyryp aıtqanda:
*Buǵan deıin habarlanǵanyndaı, burnaǵy kúni Ispanııanyń aýmaǵyndaǵy NATO-nyń áskerı avıabazasynda Grekııa áskerı-áýe kúshteriniń joıǵysh ushaǵy apatqa ushyraǵan bolatyn. Ázirshe apat sebebin tekserý múmkin bolmaı otyr. О́ıtkeni, aldymen ushaqtan qalǵan ýly otyndy tazalap alý qajet kórinedi. Al apat saldarynan 2 grekııalyq ushqysh pen 11 (bireýi keıin) fransııalyq ushqysh qaza tapqan edi.
27 qańtarda Holokost qurbandyqtaryn eske alý kúni atap ótildi. Osydan 70 jyl buryn keńes áskerleri nasısterdiń eń úreıli lagerleriniń biri – Osvensımdi azat etken bolatyn. Atalǵan lagerde 4 jyl ishinde 1,4 mıllıon adam ólim qushtyrylsa, olardyń arasynda evreıler, orystar, polıaktar, fransýzdar jáne basqa da halyqtardyń ókilderi bar. Burnaǵy kúni Osvensımge tiri qalǵan 7,5 myń adamnyń búginge deıin jetken 300-i kelip, taǵzym etti.
* Reseı memlekettik dýmasynyń depýtattary tómengi palata ashanasyndaǵy baǵanyń ósip ketkenine alańdaýshylyqtaryn bildirdi. Atap aıtqanda, RLDP fraksııasynyń múshesi Sergeı Ivanov áriptesterin tańerteńgilik as pen túski as baǵasyn saraptamadan ótkizýge shaqyrdy. Bir tostaǵan botqanyń baǵasy 2 ese qymbattap ketkeni parlamentarııdiń ashýyn keltirse kerek.
Internet materıaldary negizinde ázirlendi.