AQTО́BE. 29 sáýir. Marat Ospanov atyndaǵy Aqtóbe memlekettik medısına ýnıversıtetiniń akt zalynda qaıta saılanǵan Qazaqstan Prezıdenti Nursultan Nazarbaevty ulyqtaý rásimine arnalǵan fleshmob uıymdastyryldy. Bul týraly egemen.kz tilshisi habarlady.
Sharaǵa atalǵan joǵary oqý ornynyń 300-den astam stýdenti men professorlyq-oqytýshylyq quramy qatysty.
Qatysýshylar aldymen teledıdardan Qazaqstan Prezıdenti Nursultan Nazarbaevty ulyqtaý rásimin kórip, sózin tyńdady. Prezıdenttiń ant berýi, týdy súıýi, Qazaqstan Respýblıkasynyń Prezıdenti kýáligin tapsyrý sııaqty shyraıly sátterde birdeı sary sporttyq jeıde kıgen fleshmobqa qatysýshy jastar qoldaryndaǵy kók jáne sary jalaýlardy shalqyta bulǵap, Elbasyna degen shynaıy nıetterin bildirdi.
Sodan keıin, ýnıvnrsıtettiń tilder kafedrasynyń meńgerýshisi, «Slavıane» etnomádenı birlestiginiń múshesi Evgenıı Agapov sóz alyp, Elbasyn ulyqtaý rásimimen sharaǵa qatysýshylardy quttyqtady. Elimizdiń barlyq bolashaq ilgerileýi «Máńgilik el» ulttyq ıdeıasyn júzege asyrýdan tamyr tartatynyn aıryqsha atap ótip, jastardy jańa isterge shaqyrdy.
Osy joǵary oqý ornynyń oqytýshysy Bekzat Moldın men stýdenti Vadım Medovshıkov ta jınalǵandarǵa quttyqtaý sóz arnady. Sondaı-aq, Elbasy alǵa qoıǵan mindetterdi oryndaýda jastar, sonyń ishinde búgingi stýdenterdiń aldyna úlken mindetter qoıylatynyn jetkizdi. Fleshmobtyń sońynda sharaǵa qatysýshylar «Atameken» ánin qosyla shyrqady.
Satybaldy SÁÝIRBAI.
Derek: egemen.kz.
Sýret: Maksım Tokar.