О́SKEMEN. 29 sáýir. Oblys ortalyǵyndaǵy Komsomol aralynda shyǵysqazaqstandyq jastar Memleket basshysynyń ulyqtaý rásimine qoldaý bildirip, fleshmob ótkizdi. Bul týraly egemen.kz habarlady.
Atalǵan sharaǵa belsendi jastar, úkimettik emes uıymdar men stýdentterden quralǵan 500-den astam adam qatysty. Azamattyq ustanymdaryn bildirgen jastar: «Bizdiń kúshimiz – birlikte!»,–dep uran tastady.
Sharada Dáýlet Serikbaev atyndaǵy Shyǵys Qazaqstan memlekettik tehnıkalyq ýnıversıtetinyń áleýmettik damý jáne tárbıe jumystary departamenti dırektory Baqyt Zlobın: «Elimizdiń Prezıdenti Nursultan Nazarbaev atap ótkendeı, Máńgilik El bolýymyz úshin adamdy, jas býyndy tárbıeleý kerek. Sonda biz, jastar, Otanymyzdyń damýyna óz úlesimizdi qosatyn bolamyz», – dedi.
Aıta ketý kerek, búgin shyǵys óńiriniń eńbek ujymdary men uıymdary, oqý oryndary jáne áskerı bólimder atalǵan tarıhı oqıǵany uıymdasqan túrde tikeleı efırden birge tamashalady. Sondaı-aq, barlyq aýdanda túrli is-sharalar ótýde. Al oblys ortalyǵyndaǵy «Araldar» rezıdensııasynda myńdaǵan jastardyń qatysýymen «Stýdent kóktemi» is-sharasy uıymdastyrylady.
Dýman Anash.
Derek, sýret: egemen.kz.