AQTAÝ. 30 qańtar. Mańǵystaý oblysy sottarynda ótken jyly 42 171 is pen materıal qaralǵan. Bul týraly Mańǵystaý oblystyq soty habarlady.
О́tken jyly Mańǵystaý oblysy sottarymen qaralǵan ister men materıaldar – 2013 jylmen salystyrǵanda 4 myń iske artyq.
Mańǵystaýda asa aýyr qylmys boıynsha kórsetkish 82 adamnan 41 adamǵa kemigen jáne barlyǵy bas bostandyǵynan aırylý jazasyna kesilgen. Al aýyr qylmystar jalpy qylmystyń 39,0 paıyzdan 40,0%-ǵa, aýyrlyǵy ortasha qylmys boıynsha 34,6%-dan 35,3%-ǵa, onsha aýyr emes qylmystar 17,2%-dan 19,5%-ǵa artqan.
Mańǵystaý oblysy boıynsha eń kóp kezdesetin qylmys túrleri urlyq, alaıaqtyq, buzaqylyq jáne tonaý qylmystary boldy.
Sybaılas jemqorlyq qylmysymen aıyptalǵan 41 tulǵaǵa baılanysty 32 qylmystyq is tússe, esirtkige baılanysty 2014 jyly 47 tulǵa sottalyp, onyń 44-i bas bostandyǵynan aıyrylǵan. Ekonomıkalyq kontrabandaǵa baılanysty 14 tulǵaǵa qatysty 13 is qaralyp, barlyǵy túrmege otyrǵyzylǵan.
Mańǵystaýda sondaı-aq, áıel adamdarmen jasalǵan qylmystar 2013 jylmen salystyrǵanda 135-ten 191-ge artqan.
Gúlaıym Shyntemirqyzy.
Derek: Mańǵystaý oblystyq soty.
Sýret: Serik Maıemerov.