Elorda tórinde ornalasqan Ulttyq arhıvte Mádenıet jáne aqparat mınıstrliginiń uıymdastyrýymen «Arhıv-2025: nátıjeler men máseleler» atty respýblıkalyq ǵylymı-tájirıbelik konferensııa ótti.
Basqosýǵa atalǵan mınıstrlik ókilderi, respýblıkalyq jáne óńirlik memlekettik arhıvterdiń qyzmetkerleri, tarıhshy mamandar qatysyp, is-shara barysynda «Arhıv-2025» jobasy aıasynda shetelderdegi el tarıhyna qatysty qujattardy anyqtaý, kóshirý, sıfrlaý jáne jarııalaý baǵytynda jasalǵan jumystar talqylandy.
Konferensııa aıasynda Qazaqstan tarıhyna qatysty biregeı qujattar kórmesi uıymdastyryldy. Ekspozısııada Reseı, Germanııa, Túrkııa, Mońǵolııa, Belarýs, Armenııa, arhıvterinen ákelingen qujattar qoıyldy.
1918 jyly kúzde Germanııaǵa jibergen Túrkistan avtonomııasyburynǵy Parlament tóraǵasy Serali Lapınniń vızıtkasy
Atap aıtar bolsaq, Alash arysy Maǵjan Jumabaıulynyń 1923–1925 jyldardaǵy jeke isi; áz Jánibek hanǵa qatysty 1334 jyly jazylǵan tarıhı qoljazba; Temir hannyń 918 jyly Saıbek hanǵa elshi jiberip, Buryndyqpen mámilege kelýi týraly derek; Qazaq jerindegi 1784 jyldar shamasynda boı kótergen kóne qalalar kórinisi; О́tken ǵasyrdyń ortasynda Shyńjan-Altaıdan Úndistanǵa kóshken qazaqtardy Kashmırge qabyldaý qujattarynyń kóshirmesi, 1918 jyly kúzde Túrkistan avtonomııasynyń burynǵy parlament tóraǵasy Seraly Lapınniń Germanııaǵa joldaǵan vızıtkasy qatarly, t.b. qundy jádigerler qoıylypty.
Sondaı-aq shara aıasynda «Reseı memlekettik áskerı-tarıhı arhıviniń Qazaqstannyń HIH ǵasyrdaǵy tarıhy jónindegi materıaldary men qujattary» atty qujattar jınaǵynyń tusaýkeseri ótti.