Qarjy monıtorıng agenttigi L.N. Gýmılev atyndaǵy Eýrazııa ulttyq ýnıversıtetimen birlese otyryp, «Tártipti ózińnen basta!» atty estafetasyn bastady, dep habarlaıdy Egemen.kz.
Is-shara barysynda stýdenttermen qarjylyq pıramıdalar, drop shemalary jáne lýdomanııa sııaqty ózekti máseleler talqylandy.
Bul is-shara qaryzsyz qoǵamdy qalyptastyrýǵa, zańdylyq pen quqyq tártibin damytýǵa jáne stýdentterdiń qarjylyq saýattylyǵyn arttyrýǵa baǵyttalǵan mańyzdy bastamalardy júzege asyrýdaǵy basty qadam boldy.QMA qyzmetkerleri árbir taqyryp boıynsha shynaıy bolǵan jaǵdaılardy talqylap, azamattar arasynda kezdesetin qaýipterden jáne jınaǵan qarajattaryn joǵaltýdan qalaı saqtaný kerektigin aıtty.
EUÝ rektory Erlan Sydyqov osyndaı kezdesýlerdiń mańyzdylyǵyn atap ótip, ýnıversıtettiń qarjy salasyndaǵy zańdylyq pen tártipti qamtamasyz etetin bilikti mamandardy daıarlaýda belsendi qoldaý kórsetýge daıyn ekenin málimdedi.Kezdesý barysynda ýnıversıtet basshylyǵy Agenttikke ekonomıkalyq jáne qarjylyq qaýipsizdik pen saýattylyq salasyndaǵy zańnamalyq normalardy jetildirýge daıyn ekenindikterin bildirdi.
Shamamen 1000 stýdent qatysqan is-sharada qatysýshylar belsendi túrde suraqtaryn qoıyp, qarjylyq qaýipsizdik máselelerin talqylady.
Sonymen qatar alaıaqtyq pen qarjylyq táýekelderden qorǵaný tásilderi boıynsha bilimderin nyǵaıtty.
Agenttik «Tártipti ózińnen basta!» estafetasyn Astana qalasy boıynsha Ekonomıkalyq tergep-tekserý departamentine joldap, jastardy qarjylyq jáne ekonomıkalyq qaýipsizdik salasynda damytý jáne nasıhattaý jumystaryn jalǵastyrady.
Aıta keteıik, bul aýqymdy is-shara elimizdiń barlyq óńirlerin qamtıtyn bolady.