Jazýshy-etnograf Bolat Bopaıuly kóshpeli halqymyzdyń qolynan túspegen qamshy týraly tarıhı aqparattardy bir kitapqa toptastyrdy, dep jazady Egemen.kz.
Bolat Bopaıulynyń «Qazaq qamshysy» týyndysy oqyrmanǵa Ulttyq mýzeıde tanystyryldy. Tusaýkeser jıynǵa tarıhshylar men qalamgerler qatysty.
24.kz-tiń habarlaýynsha, jazýshy-etnograf ulttyq buıymnyń kıesi men qasıetin, tarıhtaǵy ornyn, qamshynyń túrlerin kitapqa syıdyrǵan.
«Birinshi myńjyldyqtardan qazirge deıin joǵalmaı, qoldan túspeı kelgen qamshynyń syı qural retinde qoldanylatyn, ulttyń rýhyn saqtaıtyn jádiger ekendigin osy kitapta tanyttyq. Kitap ulttyq jádigerimizdi nasıhattaý maqsatynda jazyldy», dedi Bolat Bopaıuly.