Semeı qalasynda «Agro oil group» dep atalatyn ósimdik maıyn óndiretin jańa zaýyttyń ashylý rásimi ótkizildi. Bul kásiporynnyń qurylýyna Baýyrjan Qalıev, Rınat Oralhanov, Aıdos Qurmanǵazyuly, Azat Erjan sııaqty semeılik kásipkerler qoldaý kórsetken.
Kásiporynnyń qýaty jylyna 150 myń tonna kúnbaǵys dánin óńdeýge jetedi. Sonyń nátıjesinde 50-60 myń tonna maı óndirýdi josparlap otyr. О́nim zamanaýı tehnologııalardy qoldaný arqyly óndiriletin bolǵandyqtan joǵary sapaǵa kepildik berilmek. Sonymen qatar zaýyt qajetti shıkizat pen daıyn ónimdi elimizdiń basqa oblystaryna jetkizý men ózge óńir turǵyndaryn qamtamasyz etýdi kún tártibine qoıǵan.
Saltanatty is-sharaǵa qatysqan qala ákimi Nurbol Nursaǵatov óz sózinde osyndaı kásiporyndardyń ashylýy Semeı qalasynyń ınvestısııalyq tartymdylyǵynyń artyp kele jatqanyn, óńir ekonomıkasynyń órkendeýi men nyǵaıýyna jergilikti kásipkerlerdiń qosyp jatqan úlesin aıryqsha atady.
Quny 17,3 mlrd teńgeni quraıtyn jobany «Agro oil group» kompanııasy júzege asyryp otyr. О́ndiris orny oblys ortalyǵy Semeı qalasynyń áleýmettik-ekonomıkalyq jaǵdaıyn jaqsartyp, aldaǵy ýaqytta óńir ónerkásibin órge súırep, aımaqtyń eksporttyq aıasyn keńeıtýge múddeli.
Abaı oblysy