Qarasaı aýdanynda halyqtyń áleýmettik jaǵynan osal toptaryna arnalǵan baspananyń kiltteri saltanatty túrde tabys etildi. Aýdan ákiminiń orynbasary Rýstam Atshabarov jańa qonys ıelerin arnaıy quttyqtady.
«Jyl basynan beri aýdanda 48 otbasy jańa baspanaǵa qol jetkizgen edi, endi mine, taǵy 16 otbasy baspanaly boldy. Bul – memleket tarapynan kórsetilip jatqan qamqorlyqtyń, áleýmettik qoldaýdyń jarqyn úlgisi», – dedi R.Atshabarov.
Páter kiltin alǵan kópbalaly ana Aınur Smaǵulova: «Men 10 jyl boıy turǵyn úı kezeginde turdym. 5 bala ósirip otyrmyn. Táýelsizdik merekesi aldynda armanymyz oryndaldy. Balalarym endigi jerde óz shańyraǵynda alańsyz ómir súrip, jaqsy bilim alatyn boldy. Bizdiń úı alýymyzǵa múmkindik jasaǵan el azamattaryna rızashylyǵymdy bildiremiz», – dep júrekjardy alǵysyn jetkizdi.
Qarasaı aýdanynda el ıgiligine baǵyttalǵan mundaı is-sharalar aldaǵy ýaqtytta da jalǵasyn taba bermek.