Oral qalasynyń turǵyny Bolatbek Baımaǵambetov Qazaq handyǵynyń 550 jyldyǵyna oraı jerlesterine óziniń arnaıy syılyǵyn daıyndaýda. Bul týraly egemen.kz tilshisi habarlady.
Syılyq – qaladaǵy Eýrazııa dańǵyly aýlalarynyń birinde ornalasqan terekten jasalýda. Naqty aıtsaq, kezinde japyraǵy jaıqalǵan terek, biraq keıinnen keýip ketip paıdasyz qalǵan aǵash tamyrynan búginde qylyshyn jerge sermegen batyrdyń músini oıýlýda. О́lgen aǵashty qaıtadan tiriltý ıdeıasy Bolatbektiń basyna osydan bir apta buryn kelgen eken. Músin kezindegi el qorǵaǵan batyr obrazyna sáıkes keledi.
«Tolyǵymen bul jumys shamamen 2-3 apta aralyǵynda aıaqtalady. Mundaı jumystyń baǵasy kúrdeliligine saı 300 myń teńgeden asady. Biraq bul oraldyqtarǵa arnalǵan syı ekenin Bolatbek Baımamǵanbetov esten shyǵarmaýda. «Bul birinshiden, Qazaq handyǵynyń 550 jyldyǵyna jáne Uly Jeńistiń 70 jyldyǵyna arnalyp otyr. Uly Otan Soǵysy ardagerleri de batyr bolyp sanalatynyna eshkim shúbá keltirmeıdi. Sondyqtan osy sebepterge saı týǵan qalama syılyq tartý etýdi jón sanadym», – deıdi músinshi.
Temir Qusaıyn. Derek, sýret: egemen.kz.