Kún shyǵys elindegi Heıchjan (Qara bambýk shuńqyry) jer betindegi eń úreıli mekenderdiń biri. Jergilikti turǵyndar ony ólim ańǵary dep atap ketken.
Bul jumbaq shuńqyr – qýatty meken. Árqashan tuman basyp turatyn bambýk shuńqyrynda joǵalyp ketken adamdar men úı janýarlary da az emes kórinedi. Ǵalymdar túrli zertteýler jasap, ol jerdi klımaty aýyr jáne meken etýge qaýipti aımaq dep tapqan.
«De salitto» qonaqúıi
Kolýmbııa astanasy Bogota qalasynan shamamen 30 shaqyrym jerdegi Tekendama sarqyramasy ádemiliginiń arqasynda týrısterdiń súıikti mekenine aınalǵan edi. Alaıda qazir ol adam aıaǵy attap baspaıtyn jer.
Ańǵardyń ásemdigin tamashalaýǵa keletin týrıster kóbeıgendikten, 1928 jyly onda «De Salitto» qonaq úıi salynǵan. Biraq 90-jyldary qonaq úı jumysyn toqtatty. Kópshiliktiń aıtýynsha, bul aımaqty «qarǵys atqan». Sol sebepti qonaqúı ıeleri bul jerden aýlaq bolý úshin kásibinen bas tartady. Sodan beri tylsymǵa toly mekenge aınalǵan. HH ǵasyrda salynǵan ǵımaratty áli kúnge deıin elester mekendeıdi degen qaýeset te bar.
Alyptar kópiri
Irlandııadaǵy alyptar kópirin kópshilik bile bermeıdi. Qyzyǵy, ony adamdar salmaǵan, tabıǵattyń erekshe qubylysynan paıda bolǵan.
Myńdaǵan jyl buryn munda úlken janartaý atqylaıdy. Sonyń áserinen osy alyp kópir túzilgen. Alty burysh pishinindegi iri tastar úlken satyǵa uqsaıdy. Jer planetasyndaǵy bul ǵajaıyp IýNESKO-nyń qorǵaýynda. Keı derekterde «alyptar joly» dep te atalatyn mekendegi tastar 40 000 bazalttyq kolonnadan turady. Irlandııanyń mundaı keremetin tamashalaýǵa jyl saıyn myńdaǵan týrıst keledi eken.
Daıyndaǵan –
Dıdar ASYLHAN,
Q.A.Iаsaýı ýnıversıtetiniń stýdenti