Prezıdent Qasym-Jomart Toqaevtyń tóraǵalyǵymen ótken Úkimettiń keńeıtilgen otyrysynda el damýynyń basym baǵyttary belgilendi. Memleket basshysy Ulttyq bank pen Úkimetke birlesken kúsh-jigermen ınflıasııany tejeýdi jáne teńgeniń turaqtylyǵyn qamtamasyz etýdi tapsyrdy.
Ekonomıkany ártaraptandyrý jónindegi qyzmetti kúsheıtý qajettililigi de Prezıdent nazarynan tys qalmady. Bul úshin, atap aıtqanda, Úkimet pen ákimderge óńirlerdegi jáne jetekshi qalalardaǵy qaıta óńdeý kásiporyndarynyń qurylys deńgeıin arttyrý, qaıtarylatyn aktıvterdi iri ónerkásiptik jobalardy iske qosý múddesinde paıdalaný jáne orta bıznes sýbektileri arasynan kóshbasshy kompanııalar tobyn qalyptastyrý tapsyryldy. Bul óz kezeginde bıliktiń barlyq deńgeıdegi bıznes-qoǵamdastyqpen ózara is-qımylyn keńeıtýdi talap etedi.
Qazaqstan úshin jańartylǵan jáne tıimdi sharttardy uzartý máseleleri boıynsha jetekshi ınvestorlarmen kelissóz júrgizý qajettigine nazar aýdaryldy. Sol arqyly Qarashyǵanaq, Qashaǵan, Teńiz jáne basqa da munaı-gaz ken oryndaryn ıgerýge qatysatyn sheteldik kompanııalarǵa olarmen qarym-qatynasta Úkimettiń elimizdiń ulttyq múddesin basshylyqqa alatyny týraly naqty belgi berildi. Olardyń odan arǵy qyzmeti kóbine tıisti «oıyn erejelerin» qabyldaýǵa qanshalyqty daıyn ekenine baılanysty bolady.
Prezıdenttiń ekinshi deńgeıdegi jekelegen bankterge jáne olardyń ıelerine 2017-2020 jyldary qoldaý retinde alǵan qarjysyn memleketke qaıtarýǵa qatysty naqty talap qoıdy. Osylaısha, memlekettiń olıgarhtarmen qarym-qatynasynda jańa «oıyn erejeleriniń» betalysy baıqalyp qaldy.
Barlyq memlekettik organ men olardyń laýazymdy tulǵalarynyń azamattarmen ózara is-qımyl deńgeıin arttyrý jáne tetikterin jetildirý qajettiligi de taǵy eskertildi. Sondaı-aq Prezıdent keıbir mınıstrlerdi ǵana aýystyrýmen shektelip, Úkimetke óz jumysyn aǵymdaǵy quramda jalǵastyrýǵa kart-blansh berdi.
Andreı ChEBOTAREV,
«Alternatıva» ózekti zertteýler ortalyǵynyń dırektory