Qoqysty suryptaǵannyń utary kóp

Pavlodardan jylyna 150 myń tonnadaı turmystyq qal­dyq shyǵady. Ony suryptap, óń­deıtin zaýyt taıaý ýaqytta saly­nyp bitýi múmkin. Oǵan deıin turǵyndardy turmystyq qal­dyq­­tardy bólip jınaýǵa daǵdy­landyrý kózdelip otyr.

– Úı mańyndaǵy konteınerler qoqysty suryptap jınaý máselesin sheshpeıdi. Turmystyq qal­dyqty úıde bólektep jınaý qajet. Azamattar qoqystyń bar­lyǵyn bir ǵana ydysta saq­tap, sol qalpymen konteınerge aparyp tógedi. Jalpy, úıdegi mundaı ydys tórt bó­lik­ten tursa durys bolar edi. Biraq bizde ázirge mundaı ekologııalyq sana qalyptasqan joq ári ony talap etý de erte. Sondyqtan suryptaýdy aldymen kásiporyndarda, qoǵamdyq tamaqtaný oryndary men ózge de uıymdarda júrgizý kerek. Máselen, olarda shynyǵa, plas­tıkke, qaǵazǵa, bıologııalyq qaldyqtarǵa arnalǵan konteınerler qoıylǵany durys, – deıdi Pavlodar oblysynyń ákimi Asaıyn Baıhanov.

Ákim óńirde qaldyq óńdeıtin zaýyt ashylsa, jyl saıyn ton­na­lap jınalyp qalatyn qo­qys­tardyń máselesin sheshýge bolady dep esepteıdi. Bıo­logııalyq qaldyqtardan bıogýmýs óndirýge bolar edi. Zaýyt oǵan qosa qaldyqtan metaldy, shyny men qaǵazdy bólip alyp shyǵarýǵa múmkindik beredi.

Oblystaǵy kommersııalyq kásiporyndar qoqysty suryp­tap jınaýǵa kirise bastady. Áýeli metallýrgııalyq iri ká­siporyndar, odan soń qoǵam­dyq ta­maqtaný oryndary men sýper­marketter, dúkender kóshedi. Sońynan qala turǵyndaryna úıretý kózdelip otyr. Bola­shaq­ta turǵyndardy bul tur­ǵyda yntalandyrý da oıda bar. Máselen, qaldyqty bólek jı­naǵandar qo­qys­ty shyǵarý qyzmetine je­ńil­dikpen tólem jasaýy múmkin.

Atap ótý kerek, Pavlodar qala­synyń aýlalaryndaǵy kon­­­­­teınerlerden kúnine myń­daǵan tonna qoqys jınalady. Bılik turmystyq qatty qal­dyq­tardy suryptap, jınaý tási­­line kóshýdi oıǵa alǵaly birneshe jyldyń júzi boldy. Qal­­­dyqtar tógiletin polıgonda arnaıy zaýyt qurý jobasy bas­talyp ta ketken. Shaharda eski qoqys konteınerlerin eýrokonteınerlerge aýystyrý jobasy jalǵasyp jatyr. 

Qurylyp jatqan qoqys óń­deý zaýytynda bolashaqta tústi, qara metaldar, karton, polıetılen, plastık qaldyqtary, rezeńke, aǵash, toqyma-mata ónim­deri, shyny qaldyqtary jeke-jeke jınalady.

Pavlodar oblysy