Memleket basshysynyń geologııalyq barlaýǵa ınvestorlardy keńinen tartý arqyly munaı-gaz sektorynda resýrstyq bazany nyǵaıtýǵa jáne ýran óndirisinde tereń óńdeýge baılanysty tapsyrmalaryn iske asyrý maqsatynda Parlament depýtattary jańa zań jobasyn ázirledi, dep habarlaıdy Egemen.kz.
Zań jobasynyń negizgi novellalary tómendegideı:
Az zerttelgen ýchaskelerde jer qoınaýyn geologııalyq zertteý satysynan keıin kómirsýtekter boıynsha barlaý kezeńine basym quqyq berý;
Kómirsýtekter salasyndaǵy ulttyq kompanııalar úshin jer qoınaýy ýchaskelerin basym rezervteý quqyǵyna ýaqytsha shekteý belgileý;
О́ndirý kezeńin uzartý kezinde ınvestorǵa ýrandy konversııalaý jáne baıytý boıynsha tehnologııalardy oqshaýlaý nemese berý jónindegi mindettemelerdi bekitý.
Sonymen qatar, depýtattar ýrannyń barlyq perspektıvaly ýchaskeleri kóleminde barlaýdyń basym quqyǵyn ýran salasyndaǵy ulttyq kompanııaǵa berý kerektigin eskertti. Osy arqyly qazba baılyqtyń halyq pen memeleket múddesine jumsalý mańyzdylyǵyn atap ótti.
Zań jobasyn Parlament depýtattary Edil Jańbyrshın, Baqtyqoja Izmuhamedov, Samat Musabaev, Súıindik Aldashev, Abzal Quspan, Temir Qyryqbaev ázirledi.