Sabaqtastyq saryny

Astanadaǵy О́ner ýnıver­sı­­tetinde kóp sala bo­ıyn­sha maman daıarlanady. Bilim orda­synyń osy ereksheligin eskere otyryp, folklortanýshy jańa monografııasyn pánaralyq baılanysqa arnap jazǵan. Zertteýde beıneleý óneri, teatr jáne kıno týyndylaryndaǵy folk­lorlyq sıýjetter men túsinikterdiń qolda­nysy taldanǵan.

Zertteý jumysy ýnıversıtet­tiń Ǵylymı keńe­sinde talqylanyp, tolyqtaı maquldanǵan. Jańa zert­teýdi tanystyrýǵa arnalǵan is-sharany ýnı­ver­sıtet rektorynyń mindetin atqarýshy, óner­taný kan­dıdaty, professor R.Nurtaza ashyp, avtor­­dyń ǵylymdaǵy jolyn atap ótti. Tanys­tyry­­lym barysynda ónertaný kandıdaty, JAK qaýym­­dastyrylǵan pro­fessory, Qazaq ulttyq óner ýnı­versıteti, ónertaný kafedrasy­nyń profes­sory, Qazaqstannyń eńbek sińirgen qaıratkeri N.Muqy­sheva, ónertaný kandıdaty, QazUО́Ý profes­sory, Qazaqstan Sýretshi­ler odaǵy­nyń múshesi A.Asyl­bekova, kórkem­óner fakýltetiniń dekany, Qazaq­stan Sýretshiler odaǵynyń múshesi, ­Má­de­nıet salasynyń úz­digi A.Smaǵulov, ónertaný ka­fed­ra­sy­nyń dosenti, PhD, teatr­tanýshy N.Es­­kendirov jáne kitapha­­na basshysy Ǵ.Bókeı pikirlerin ortaǵa saldy.

Kınotanýshy N.Muqysheva jańa eńbektiń qun­dylyǵy – pánaralyq baılanysqa qurylǵanyna, qazaq fılm­derimen qatar folklorǵa qa­ty­sy bar she­teldik týyndylar da ǵy­lymı taldaýǵa alyn­ǵa­nyna, sonymen birge óner salasy boıynsha bilim be­re­­tin oqý oryndaryna qajet ekenine basa nazar aýdardy.

Al Sýretshiler oda­ǵy­nyń múshesi A.Asylbekova: – «Avtor zertteý jumysynda kes­kindeme, grafıka, músin, sándik-qol­danbaly óner salalaryn eskerip, qazaq beıneleý ónerine eńbek sińir­gen aǵa býyn ókilderinen bastap qazir­gi zamandaǵy sýretshilerdiń eńbek­terindegi folklormen baılanysty qamtyǵan. Sol sııaqty avtor Ejelgi Grekııa, Rım, Batys, Shyǵys folklory men mıfologııasyn­daǵy obrazdar men sımvoldardan mysaldar keltire otyryp, kópte­gen sheteldik jáne otan­dyq folklortanýshy, ónertanýshy ǵalym­dar­dyń eńbekterin zerttep, olar­­­dyń oı-pikirlerin de alǵa tartý arqy­ly salys­tyra-salǵasty­ryp, oqyr­m­a­nyn qyzyq­tyratyny sózsiz. ­Osy tur­ǵy­dan alǵanda, zertteý jumysy­nan kóp qundy maǵlumat alýǵa bolady», – dedi.

Sýretshi A.Smaǵulov: – «Qazaq folklory elimizdiń qaı óńirinde bolsyn, ózindik nusqasy qalyp­tasqan neshe ǵasyrlyq tarıhy bar baǵytta­ry aýqymdy óner salalarynan qural­ǵan. Sol baǵyt­tardyń biri – beıneleý óneri. Ejelgi tas dáýirinen saralap qaraıtyn bolsaq, tas betterine bederlenip salynǵan grafıkalyq sýretterdiń joǵary deńgeıde oryn­dalǵanyn kóre alamyz, kıiz úı, onyń jabdyqtary, qarý-jaraq, zer­­gerlik óner, aǵashty óńdeý, at-ábzel saımandary, qul­pytastar, taǵy da kóptegen jádigerler oǵan kýá. Rıza Tasqynǵalıqyzynyń osyndaı úlken eńbegi salt-dástúrimizdi ulyq­tap, folklory­myzdy kásibı deńgeıde kórsetýimizdiń bir jolyn kór­setkendeı sezimde boldym. Osy bastama halyq óneri men beıneleý ónerindegi ushtastyqty qaımaǵyn buzbaı, bolashaǵymyzǵa jetkizip, ulttyq deńgeıde qalyptasady dep oılaımyn. Bul monografııa óner oqý oryndarynyń stýdentteri men magıstranttaryna, jalpy oqyrmanǵa beretin málimetteri mol eńbek ekenine qýanyshtymyn, – dedi.

Teatrtanýshy N.Eskendirov árip­­testeriniń pikirlerin qoldaı otyryp: «О́nerdiń barlyq salasynyń túp tamyry folklorda, sońǵy kez­­­de keıbir rejısserler erkindik eken dep, halyqtyq murany óreskel buzý­­shylyq oryn alyp jatqanyn zert­­teýshi oryndy kórsete bilgen», dep, eń­­bekte óner tarıhyna qatysty kóp maǵ­­lumat baryn, taldaýlardyń jan-jaq­­tylyǵy jáne folklorlyq negiz­­di oqytýda qajetti eńbek ekenin aıtty.

Pikir bildirýshiler «Folklor men kásibı ónerdiń sabaqtastyǵy» atty monografııany bilim berý úde­risine engizý qajettigin biraýyzdan qol­dady.

Bul is-sharaǵa tek oqytýshylar ǵana emes, stýdentter, ma­gıstranttar, doktoranttar da qaty­syp, avtordyń olarǵa jańa eńbegin syıǵa tartýy tosyn syı boldy.

Kitaphana qyzmetkerleri zert­teýshiniń ǵylym­daǵy eńbekterinen kórme uıymdastyrdy.

Aqmaral BAIQÝATOVA,

K.Baıseıitova atyndaǵy Qazaq ulttyq óner ýnıversıteti ǵylym bóliminiń aǵa ǵylymı qyzmetkeri