Májilis spıkeri Erlan Qoshanovtyń tóraǵalyǵymen bıýro ótip, aldaǵy jalpy otyrystyń kún tártibi naqtylandy.
Depýtattarǵa Birikken Ulttar Uıymynyń bólýdi baqylaý jónindegi kúshterine (UNDOF) resýrs usynatyn Qazaqstan Respýblıkasynyń Úkimeti men Birikken Ulttar Uıymy arasyndaǵy ózara túsinistik týraly memorandýmdy ratıfıkasııalaý týraly zań jobasyn talqylaý usynylady.
2024 jylǵy 14 aqpanda Nıý-Iorkte jasalǵan memorandým Qazaqstannyń ulttyq kontıngentin BUU-nyń Golan shyńdaryndaǵy bitimgerlik mıssııasyna jiberýge baılanysty ákimshilik, logıstıkalyq jáne qarjylyq sharttardy belgileıdi. Kelisim memorandýmdy tolyqtyryp, BUU tarapynan Qazaqstan Úkimetine bitimgerlik mıssııaǵa qatysatyn qazaqstandyq kontıngentke qajetti personal, negizgi jabdyqtar men ózin-ózi qamtamasyz etý quraldaryn usynǵany úshin tólem jasaý tártibin anyqtaıdy.
Sondaı-aq Májilistiń jalpy otyrysynda Táýelsiz Memleketter Dostastyǵyna qatysýshy memleketterdiń sybaılas jemqorlyqqa qarsy is-qımyldaǵy yntymaqtastyǵy týraly kelisimdi ratıfıkasııalaý týraly zań jobasy qaralady.
Qujatta yntymaqtastyqtyń negizgi baǵyttary men nysandary, onyń ishinde sybaılas jemqorlyqtan túsken kiristerdi izdeý jáne qaıtarý, sybaılas jemqorlyq qylmysyn jasaǵan adamdardy ustaý jáne ustap berý, sondaı-aq ózge de is-sharalar aıqyndalady.
Sonymen qatar Májilis básekelestik máseleleri jónindegi jańa zań jobasyn jumysqa qabyldaıdy.