Qytaı ınjenerleri «Tansýo» atty Aıda júretin kólik qurastyryp, ony alǵashqy synaqtan ótkizdi.
Jer serigine jóneltýge daıyndalǵan bul kólik ǵaryshkerler men ǵalymdarǵa Aı betinde uzaqmerzimdi zertteý júrgizýge múmkindik beredi. Tórt dóńgelekti kólik oıly-qyrly bedermen júrýge yńǵaıly etip jasalǵan. Oǵan eki ǵaryshker syıady. Bas konstrýktordyń orynbasary Chjan Chýnfen bul jobany «ǵarysh salasyndaǵy mańyzdy jańalyq» dep baǵalady. Synaq arnaıy polıgonda ótken. Kólikti jetildirý jumysy áli de jalǵasyp jatyr.