Ýılıam Fýlk – aǵylshyn fýtboly tarıhyndaǵy eń alyp qaqpashylardyń biri. Onyń boıy 193 sm, al salmaǵy 150 kg bolǵan. Osyndaı alpamsa denesimen ol qarsylastaryna psıhologııalyq úreı týǵyzatyn.
1905–1906 jyldary Fýlk «Chelsı» komandasynda oınaǵanda, klýb basshylary sportshynyń alyp denesin odan saıyn ereksheleý úshin aıryqsha aıla qoldandy. Iаǵnı marketıng mamandary qaqpanyń artyna eki kishkentaı balany qoıyp, olarǵa alańnan shyǵyp ketken doptardy jınaý mindetin júktedi. Bul balalar Fýlktiń janynda tym kishkentaı kóringendikten, qaqpashynyń dene bitimi odan da áserli hám úreıli kórindi. Osylaısha, marketıngtik ádis retinde bastalǵan bul tásil ýaqyt óte kele fýtboldyń mańyzdy elementine aınaldy.