Alǵys aıtý kúnine oraı Astanada erekshe aksııa ótti. Jyl boıy jol júrisi qaǵıdalaryn qatań saqtaǵan júrgizýshiler marapattaldy, dep habarlaıdy Egemen.kz Polisia.kz-ke silteme jasap.
Is-sharaǵa qatysý úshin kún saıyn qozǵalysta bolatyn jáne byltyr jol qozǵalysy erejelerin múldem buzbaǵan avtokólik júrgizýshileri tańdalǵan. Yntalandyrý retinde kólik ıelerine bir jyldyq merzimge saqtandyrý polısine sertıfıkattar tabystalǵan.
Aıta keteıik, aksııa polısııa, Sergek jáne Freedom Insurance kompanııalarynyń ózara is-qımyly nátıjesinde uıymdastyrylǵan.
«Ishki ister mınıstrimen jarııalanǵan «profılaktıka jyly» aıasynda ótkizilip jatqan «Qaýipsiz jol» aksııasynyń basty maqsaty – jol-kólik oqıǵalarynyń aldyn alý, jol júrisine qatysýshylardyń barlyǵynyń qaýipsizdigin qamtamasyz etý jáne qaǵıdalardy buzýdy boldyrmaý. Sonymen qatar búgingi tańda ótkizilip jatqan aksııa barysynda jyl kóleminde eshqandaı quqyq buzýshylyqqa jol bermegen, jol apattaryna túspegen júrgizýshiler marapattalady», dedi IIM ákimshilik polısııa komıtetiniń erekshe tapsyrmalar jónindegi aǵa ınspektory Aqtoty Boranova.
Vedomstvonyń habarlaýynsha, kún saıyn Astana joldaryna 284 myńnan astam avtokólik shyǵady, onyń 77 myńy sońǵy jyly jol qozǵalysy erejelerin buzbaǵan. Olardyń arasynan júrisi kóp, ıaǵnı kóptegen qashyqtyqty eńsergen, marapatqa laıyq on júrgizýshi sıfrlyq júıelerdiń kómegimen tańdap alynǵan.
Uıymdastyrýshylardyń pikirinshe, mundaı aksııalar júrgizýshilerdi qaýipsiz qozǵalysqa, qaǵıdalardy buzbaýǵa, jol apattaryn boldyrmaýǵa yntalandyrady.