Kún tártibi naqtylandy

Depýtattarǵa Premer-mı­nıstrdiń orynbasary Ermek Kósher­baevtyń Májilis depý­tat­­­tary­nyń óńirlerge sapary bar­ysynda azamattardan tús­ken ótinishterdi memleket­tik or­gandardyń qaraý nátıje­leri týraly aqparatyn tyńdaý usynylady.

Sonymen qatar birinshi oqylym­da palata turǵyn úı-kom­­­­mýnal­dyq sharýashylyq máse­leleri boıynsha zańnamalyq túzetý­lerdi, olarmen baılanysty Salyq kodeksi men Ákimshi­lik qu­qyq buzýshylyq týraly kodekske engiziletin ózgeristerdi talqylaıdy.

Parlament depýtattary usyn­ǵan zań jobalary páter ıeleri ko­o­peratıvteriniń basqarý sýbek­tisi retindegi qyzmetin retteýge, basqarý men kondomınıým nysanynyń or­taq múlkin kútip-ustaý fýnksııa­laryn biriktirýge baǵyttalǵan. Son­daı-aq turǵyn úı ınspeksııasynyń ókilettikteri men fýnksııalaryn keńeıtý, kondomınıým nysandaryn bas­qarý sýbektileriniń qyzmetine sıfrlandyrýdy engizý, kóppáterli turǵyn úıdi basqarýdyń qara­paıym seriktestik túrin alyp tas­taý kózdelgen.

Ilespe zań jobalary múlik obektilerin basqarý sýbek­tileri­niń salyq salý tártibin aı­qyndaýdy, sondaı-aq óz mindet­terin tıisin­she oryndamaǵan jaǵ­daıda múlik obektilerin bas­qarý fýnksııa­laryn júzege asy­ratyn zańdy tulǵalar men qury­lys salýshylardyń ákim­shilik jaýapkershiligin kúsheıtýdi qarastyrady.

Buǵan qosa ekinshi oqylymda «Akvaósirý týraly» zań jobasy ilespe túzetýlerimen qarasty­rylady.

Sondaı-aq Májiliske min­detti áleýmettik medısın­a­lyq saqtandyrý máseleleri jáne Eýrazııalyq ekono­mıkalyq odaq aıasyndaǵy birqatar halyqaralyq kelisimdi ratıfıkasııalaý týraly jańa zań jobalaryn jumysqa alady.