1801 jyldyń 11 naýryzynda Reseı patshasy I Paveldiń jarlyǵymen Edil men Oral ózenderiniń arasynda 1801-1876 jyldar aralyǵynda ómir súrgen Ishki nemese Bókeı ordasy quryldy.
Bókeı handyǵynyń qurylýy – qazaq halqynyń tarıhynda mańyzy erekshe oqıǵa. Kishi júz azamattarynyń yjdaǵatymen qazaqtar Jaıyq ózeniniń oń jaq betindegi bederiniń burynǵy atamekenine qaıta qonys aýdaryp, bekinip alýynyń, keıinirek dástúrli qazaq jeriniń bir bóligin birjola ıemdenip qalýynyń sáti tústi. Ataqty Jáńgir han Ishki Ordada han bıligin saqtap qaldy, sol arqyly Qazaq memlekettiliginiń 1845 jylǵa deıin ómir súrýin qamtamasyz etti. Onyń aǵartýshylyq jáne reformatorlyq qyzmetiniń arqasynda Edil men Jaıyq arasyndaǵy qazaqtar ózderiniń áleýmettik-ekonomıkalyq jáne mádenı-aǵartý salalarynda eleýli tabystarǵa qol jetkize aldy.
Osy ýaqytta alǵashqy qazaq-orys mektebi, dárihana jáne emdeý orny, óte sırek kezdesetin eksponattary bar qarý-jaraq mýzeıi ashylǵan bolatyn.