2023 jyldyń qyrkúıeginde oblystyq Polısııa departamentiniń qyzmetkerleri jedel is-sharalar barysynda Taraz qalalyq mamandandyrylǵan halyqqa qyzmet kórsetý ortalyǵynda júrgizýshi kýáligin zańsyz satqan adamdar tobyn ustady, dep jazady Egemen.kz.
Mamandandyrylǵan halyqqa qyzmet kórsetý ortalyǵynyń 2 qyzmetkeri, 1 programmıst mamany men 4 deldal aldyn ala sóz baılasý arqyly Jambyl, Túrkistan jáne Almaty oblysynyń 21 turǵynyna zańsyz júrgizýshi kýálikterin jasaǵan.
Zańsyz jolmen kýálik alǵandar buǵan deıin emtıhannan súrinip kelgen.
Taraz qalalyq MHQKO-nyń qyzmetkeri óziniń sybaılasy Almaty qalalyq MHQKO-nyń programmıst-mamany arqyly Túrkistan oblysynyń turǵynyn praktıkalyq emtıhan tapsyrmaǵanyna qaramastan, emtıhannan sátti ótkenin aqparattyq júıe arqyly rastaǵan.Sottalýshylar 100 myńnan 200 myń teńgege deıingi qarajatty túrli oblystardyń deldardary arqyly Taraz qalalyq MHQKO-nyń qyzmetkerine jınap, aralarynda ózara bólingen. Osy tektes qylmystyq shema 20 azamatqa qatysty júzege asyrylǵan. 27 aqpan kúni Taraz qalalyq №2 soty MHQKO-da zańsyz júrgizýshi kýáligin satqan adamdar tobyna qatysty aıyptaý úkimin shyǵardy. Kináli tulǵalar 3,6 jylmen 4,6 jyl aralyǵynda shartty túrde bas bostandyǵynan aıyryldy.
Sondaı-aq, qylmystyq qýdalaý organynyń talaby boıynsha zańsyz alynǵan júrgizýshi kýálikteri jaramsyz dep tanyldy.