PETROPAVL. 19 maýsym. Ǵ.Músirepov aýdanyna qarasty «Tuqym» JShS jumysshylarynyń urlyqqa qatystylyǵy dáleldense, 7 jylǵa deıin bas bostandyqtarynan aırylýy yqtımal. Bul týraly OIID-niń baspasóz qyzmeti habarlady.
Egis alqaptarynan 132 tonna mıneraldyq tyńaıtqyshtyń qoldy bolǵany jaıly dabyl aýdandyq ishki ister bólimine túsisimen jergilikti polıseıler dereý iz kesken. Kóp uzamaı urlyqqa qatysy bar degen kúdikpen 15 adam ustalǵan. Tergeý amaldary kórsetkendeı egis alqaptaryn dárilep júrgen mehanızatorlar ammıak selıtrasy men ammofosty aýdannyń bir turǵynyna 4 kún boıy tasyp, jetkizip bergen. Ol bolsa,Rýzaev aýylyndaǵy qoımada jasyryp ustaǵan.
«Kúdiktilerden mıneraldy tyńaıtqysh tıelgen eki tirkemeli «KAMAZ» kóligi naqty aıǵaq retinde alyndy. QR Qylmystyq Kodekstiń 188 baby boıynsha qylmystyq is qozǵaldy», deıdi aǵa tergeýshi Nurlan Ysqaqov. Búginde 3 kúdikti ýaqytsha tergeý oqshaýlaǵyshqa qamaldy. Qalǵandary eshqaıda ketpeý jóninde qolhatpen bosatyldy.
О́mir Esqalı.
Derek: Soltústik Qazaqstan oblystyq IID-niń baspasóz qyzmeti.
Sýret: egemen.kz