ASTANA. 19 maýsym. Qyzylorda oblysy Qazaly aýdanynda eldi-mekenderde sanıtarlyq tazalyqty saqtaý barysy jaıly jıyn ótti. Jıynda aýdan ákimi Bahyt Jaqanov aýyldardy abattandyrý, tazalyq normalaryn saqtaý, turǵyndardy mádenıettilikke shaqyrý aıasynda baıandama jasady. Bul týraly aýdan ákimdiginiń baspasóz qyzmeti habarlady.
Aýdan ákimi Bahyt Jaqanov: «Halyq arasynda tártipsizdikke jáne usaq quqyq buzýshylyqqa «múldem tózbeýshilik» qaǵıdatyn qalyptastyrý arqyly ólkemizdiń tazalyǵy men tártibin retke keltire alamyz. Ol úshin qoǵam bir-birin tárbıeleý qajet» – dedi. Sondaı-aq, jıynda ár kóshege tazalyqty saqtaýǵa baǵyttalǵan bılbordtar ornatý barysynda qazirgi tańda kópshiliktiń keń paıdalanatyn whatsapp jelisi arqyly ishki ister qyzmetkerlerimen baılanysýǵa jaǵdaı bar ekendigin habarlaýdy quzyrly oryndarǵa tapsyrdy. Munyń bir ereksheligi árbir turǵyn kez kelgen quqyq buzýshylyq týraly málimetti sýretke, vıdeoǵa túsirip, whatsapp jelisine jibere alady.
Jıyn barysynda Áıteke bı kentiniń ákiminiń orynbasary Qýanysh Sansyzbaev tazalyqty qamtamasyz etý baǵytynda jasalyp jatqan jumystar týraly habarlama jasady. Onyń aıtýynsha, jyl basynan beri ustalǵan 159 azamattyń 70-ne aıyppul salynǵan, 37 azamatqa eskertý berilgen.
Aıta keteıik, aýdan basshysy bul jumystardy odan ári kúsheıtýdi qatań tapsyrdy.
Sonymen qatar, kent aýmaǵyndaǵy sanıtarlyq tazalyq, kórkeıtý-kógaldandyrý jumystaryna jastardan quralǵan «Jasyl el» eńbek jasaǵynyń 30 múshesi jumyldyrylyp, qazirgi tańda kenttiń ortalyq kóshelerindegi aıaq sý aryqtaryn tazalý jumystaryn atqarylyp jatqany aıtyldy.
Talǵat Raıymbek.
Derek, sýret: aýdan ákimdiginiń baspasóz qyzmeti.