Búgin Senattyń jalpy otyrysynda Qazaqstan Respýblıkasynyń Sý kodeksi men ilespe qujat qaraldy, dep jazady Egemen.kz.
Senatorlar qujattyń keı baptaryn redaksııalap qaıta qaraý úshin Májiliske qaıtardy.
Sý kodeksin, sondaı-aq, ilespe zańdy talqylaý jáne olardy ekinshi oqylymǵa ázirleý barysynda Bas komıtettiń, Qarjy jáne bıýdjet komıtetiniń eskertýleri men usynystary eskerilip, mynadaı túzetýler engizilgen:
- sý resýrstaryn paıdalanǵany úshin tólemge baılanysty birqatar normalardy Salyq kodeksine sáıkes keltirý;- turǵyn úı qatynastary jáne turǵyn úı-kommýnaldyq sharýashylyq salasyndaǵy ýákiletti organnyń quzyretin naqtylaý;arnaýly sý paıdalanýǵa ruqsattan aıyrý tártibin naqtylaý;- sý qoryn qorǵaý jáne paıdalaný salasyndaǵy memlekettik baqylaý men qadaǵalaýǵa baılanysty normalardy Kásipkerlik kodeksiniń normalaryna sáıkes keltirý;- basseındik sý ınspeksııalary júzege asyratyn memlekettik baqylaýdyń ataýyn naqtylaý bóliginde Kásipkerlik kodeksine ózgeris engizý qajet.
«Jańa Sý kodeksi aıasynda sý obektilerin utymdy paıdalaný, strategııalyq josparlaýdyń jańa quraldaryn engizý, gıdrotehnıkalyq qurylystardy basqarýǵa kóńil bólý, sý resýrstarynyń monıtorıngi men basqarýdyń ulttyq aqparattyq júıesin qurý, sýdy utymdy paıdalaný, ysyrapty azaıtý jáne sýdy únemdeý tehnologııalaryn engizý, klımattyń ózgerýine baılanysty sýdy durys paıdalanýǵa beıimdeý, quqyq buzý faktilerine jedel den qoıý maqsatynda ýákiletti organǵa qadaǵalaý fýnksııalaryn berý men balamaly sý kózderin jınaqtaý ári paıdalaný máselelerine kóńil bólingen. Ilespe zań qoldanystaǵy zańnamany jańa Sý kodeksiniń normalaryna sáıkes keltirý men sý resýrstaryn qorǵaý jáne paıdalaný salasyndaǵy qatynastardy quqyqtyq retteýdi jetildirý maqsatynda ázirlendi», dedi Senat depýtaty Janbolat Jórgenbaev.