Til bilgenniń órisi keń

Qazaqstan halqy Assam­bleıasynyń 20 jyldyq mereıtoıyna arnalǵan HHII sessııasy elimizdiń erteńi erek ekenin saralap berdi. Onda taǵdyryn óz qolyna alǵan qazaqstandyqtardyń qandaı qıynshylyq týyndasa da birlik pen tatýlyqtyń arqasynda búkil álem qurmetteıtin búgingi jáne keleshek urpaq úshin jasalǵan zor bıikke jetkenimiz baıan etilip, kóp ultty halqymyzdyń birtutas, toptasqan halyqqa birige alǵanymyz – artyqshylyǵymyz ekendigi senim týǵyzady. Bizdiń kúshimiz osynda. Sonyń bir kórinisi retinde Elbasy qazaq tilin úırenip júrgenderge alǵys bildire kelip, memlekettik tildiń damýy árqashanda mańyzdy ekenin aıtty. Bul oraıda barsha ult ókilin baýyryna basqan tuǵyry bıik elimiz osy tatýlyq pen kelisimniń arqasynda áli talaı asqaraly belesterdi baǵyndyrary sózsiz. Tek sol maqsatqa jetý tilegi men júregi bir berekeli halyqtyń enshisinde deımiz. Sonyń bir jarqyn mysaly retinde «Memlekettik tildi joǵary qurmetteý – sol tildi jan qushtarlyǵymen úırenýden bas­talady» degen qaǵıdany Astana qalasy IID «Saryarqa» aýdandyq IIB polıseıi Nıkolaı Jgýn de berik ustanypty. Memlekettik tildi jetik bilýdi ómirdegi úlken jetistik dep túsinetin Nıkolaı Aqmola oblysy, Qorǵaljyn aýdanynda oqýshy bolyp júrgen kezinde-aq qazaqtyń tól aqyny Abaıdyń shyǵarmalaryn túpnusqada oqyǵan eken. Sonyń arqasynda qazaq halqynyń dástúri men saltyn, mádenıetin keńinen tanyǵan. Endi, mine, ol segiz jyldan astam ýaqyt boıy quqyq qorǵaý organdarynda qyzmet etip keledi. Osy jyldary kóp nárse ózgerdi. Nıkolaı shańyraq kóterdi. Internasıonaldy otbasy atandy. Qazaq tilin qazaqtan artyq bilýdiń arqasynda shyǵar, onyń jubaıy da qazaqtyń qyzy – Janna. Ol da quqyq qorǵaý organy qatarynda abyroıly eńbek etip, jol-patrýldik polısııa shtabynyń aǵa ınspektory, polısııa kapıtany. Olardyń Islam atty 6 jasar uly, Ilana atty 3 jasar qyzy jáne 9 aılyq Imran atty taǵy bir uldary bar. Joǵaryda aıtylǵandaı, Islam men Ilana qazaq balabaqshasynda tárbıelenýde. Qazaq tilin meńgerýdi árbir qazaqstandyqtyń qasıetti paryzy dep sanaǵandyqtan, balalaryn búldirshin kezinen memlekettik tilge baýlyǵandy jón kóredi. Tildi qurmet tutýmen qatar, halqymyzdyń dástúrin joǵary baǵalaıdy. – Qoǵammen aralasýda mem­lekettik tildi jetik bilgen jón. О́ıtkeni, qoǵamdyq tártipti qor­ǵaý – jaýapty is. Kómek surap ta­laı azamattar jolyǵyp jatady. Men olarmen qazaq tilin­de tildeskenimde, olardyń keıbi­reý­leri qazaq tilin qaıdan biletinimdi suraıdy. Men Qazaqstan azamatymyn, óz elimniń tilin bilmesem uıat emes pe dep jaýap qaıtaramyn», deıdi Nıkolaı. Iá, til bilgenniń órisi keń degen osy. Aleksandr TASBOLATOV, «Egemen Qazaqstan».