Nurlan TEMIRBEKOV,
D.Serikbaev atyndaǵy ShQMTÝ rektory, fızıka-matematıka ǵylymdarynyń doktory, professor,
UǴA korrespondent-múshesi.
Memleket basshysyn ulyqtaý saltanatyna qatysqanymda, Nursultan Ábishulynyń qazirgi jahandyq ekonomıkalyq hám saıası daǵdarys aldynda turǵan álemdegi iri saıasatkerlerdiń ortasynan oıyp turyp oryn alatynyn, oıy ozyq saıasatker tulǵanyń Táýelsiz elimizdiń mańdaıyna bitýi tegin emes ekenin taǵy bir túısindim.
Elbasy Ata Zańǵa sáıkes saılaýdan keıingi barlyq sharalardy shıraq qımylmen atqarýǵa kirisip ketti. Úkimet quramy qaıta jasaqtaldy. Jańǵyrtý jónindegi ulttyq komıssııa quryldy. Ulyqtaý saltanatynda Prezıdent eldiń aldynda kóptegen keleli ister turǵanyn jetkizdi. Sonyń biri – bes ınstıtýttyq reformany oıdaǵydaı júzege asyrý. Bul jospardy oryndaýǵa ulyqtaý saltanatynan keıin-aq kirisý atalǵan halyqtyq reformalar men ony atqarý tetigi sanalatyn Prezıdent janyndaǵy komıssııanyń qandaı mańyzǵa ıe ekenin kórsetip berdi. Álbette, búgingideı qubylmaly kezeńde bizdiń ishki saıasatymyz ben ekonomıkamyzdyń beriktigi, turaqtylyǵy aýadaı qajet. О́ıtkeni, bul bizdiń táýelsizdik jyldary qol jetkizgen eń basty baılyǵymyz. Memleketimiz álemniń damyǵan 30 eliniń qataryna ený mindetin alǵa qoıyp otyr. Osy oraıda, Jańǵyrtý jónindegi ulttyq komıssııa memlekettik organdar, azamattyq qoǵam ınstıtýttary men kásipkerlik salasynyń ózara qarym-qatynasyn úılestirýge sep bolady degen oıdamyn. Komıssııa quramyna sheteldik sarapshylardyń alynýy syrtqy faktorlardy da eskerýge kómektesedi. Túptep kelgende, barlyq joba-josparymyz ben is-qımylymyz, eńbegimiz «Nurly Jol» Jańa Ekonomıkalyq Saıasatyn jemisti júzege asyrýǵa qyzmet etýi tıis.
О́SKEMEN.