«Akademııalyq mátin jazý sheberhanasy» kitaby álemdik tájirıbege súıene otyryp, daıyndaldy.
Kitaptyń avtorlary sarapshylar, ǵalymdar, til mamandary – Aıbarsha Qajyákpar, Gúlshat Túsipova, Nazgúl Qojabek jáne Dámetken Abdýlaeva.
«Bul ǵylymı eńbekte akademııalyq mátin jazý negizderi jan-jaqty zerttelgen. Taqyrypty túsinýden, oılaýdan jáne ádebıetti tańdaýdan bastap akademııalyq stılge tán sózjasam erekshelikterine deıingi búkil proseske egjeı-tegjeıli sholý jasalǵan.
«Bul kitap Qazaqstannyń barlyq joǵarǵy oqý oryndaryna tegin taratylady jáne bizdiń saıtta elektrondy nusqasy bar», - dedi «Qazaqstandyq qoǵamdyq damý ınstıtýty» KeAQ basqarmasynyń tóraǵasy Nurbek Matjanı Ortalyq kommýnıkasııalar qyzmetiniń podkastynda.
Sonymen qatar, QQDI aǵylshyn tilinde bedeldi ǵylymı jýrnaldarda jaryq kórgen ǵylymı maqalalardy qazaq tiline aýdaryp, KIPD Bulletin jýrnalyn shyǵarady.
«Búgingi kúnge deıin 6-7 sany shyqty. Bul jerde otbasy máseleleri de, jasandy ıntellekti de, mýzeı, kitaphana, teatrlarǵa da baılanysty zertteýler bar. Bul qazaq tildi ǵylymı ortanyń álemdegi ozyq oıly zertteý jumystaryna qol jetkizý», - dedi spıker.