PETROPAVL. 5 mamyr. M. Jumabaev atyndaǵy gýmanıtarlyq kolledj bazasy negizinde uıymdastyrylǵan «Talantty ustaz–talantty balaǵa» atty H halyqaralyq pedagogıkalyq olımpıadaǵa elimizdiń barlyq oblystarynan jáne Reseıdiń Qorǵan, Omby qalalarynan 277 qatysýshy keldi. Bul týraly oblystyq bilim basqarmasy habarlady.
Pogodın atyndaǵy orys drama teatrynda ótken saltanatty jıynda sóz alǵan oblys ákiminiń orynbasary Anarhan Dúısenova aımaq basshysynyń quttyqtaý tilegin jetkizdi.
«Olımpıadaǵa 10 joǵarǵy synyp, 11 joǵary oqý oryndary men kolledjder komandalary, 94 jas muǵalim, 3 magıstrant, 14 psıholog, 12 vojatyı qatysqaly otyr. Olardyń 80 paıyzyn aýyldyq mamandar quraıdy», deıdi «Daryn» respýblıkalyq ǵylymı-praktıkalyq ortalyqtyń dırektory Sholpan Qırabaeva.
Konkýrs erejesi boıynsha ǵylymı jobalar men tapsyrmalardyń sapaly oryndalýy, úmitkerlerdiń bilim deńgeıi, teorııalyq daıyndyǵy, tájirıbemen úılesimdiligi pedagogıkalyq kásibı biliktilik birinshi kezekte eskeriledi.
Halyqaralyq pedagogıkalyq olımpıadanyń jeńimpazdary men júldegerleri 6 atalym boıynsha marapattalyp, dıplomdar men baǵaly syılyqtar tapsyrylatyn bolady.
О́mir Esqalı.
Derek: Soltústik Qazaqstan oblystyq bilim basqarmasy.
Sýret: egemen.kz