PETROPAVL. 5 mamyr. “Nur Otan” partııasy oblystyq fılıalynyń ǵımaratynda “Qaharman. kz” saıtynyń ashylý rásimi ótti. «Ardagerlerdi ardaqtaıyq!» jobasy sheńberinde qolǵa alanǵan shara myńdaǵan shańyraqtyń otyn óshirgen soǵystyń jeńispen aıaqtalýyna qazaqstandyqtardyń da qosqan úlesin kórsetýdi, Otan úshin ot keship, jandaryn pıda etken bozdaqtar men ardagerlerdiń ónegeli ómirin keıingi urpaqqa úlgi etýdi ditteıdi. Bul týraly oblystyq «Soltústik Qazaqstan» gazeti habarlady.
“Nur Otan” partııasy oblystyq fılıaly tóraǵasynyń birinshi orynbasary Artýr Moldaǵulov óz sózinde atalmysh saıt Qorǵanys mınıstrligimen birlesip, júzege asyrylǵanyn, óńirimizdegi Keńes Odaǵynyń Batyrlary men Dańq ordeniniń tolyq ıegerleri esepke alynyp, derekter banki jasalǵanyn jetkizdi. Qorǵanys isteri jónindegi departament bastyǵynyń orynbasary Amangeldi Dúısekın atalmysh saıttyń beıbitshilik besiginde terbelip ósip kele jatqan jas býyndy otanshyldyq rýhta tárbıeleýdegi mańyzdylyǵyna toqtaldy.
Saıtta soǵys taqyrybyna qalam terbegen aqyn-jazýshylardyń shyǵarmalary, otty jyldardyń óshpes tarıhy úzbeı jarııalanatyn bolady. Álemdi dúr silkindirip, adamzattyń júregine jazylmas jara salǵan ekinshi dúnıejúzilik soǵysqa qatysty foto-beıne derekter, beıneensıklopedııalar, ánder toptastyrylǵan. Oqyrmandar onlaın qabyldaý júıesine kirip, elektrondy túrde ótinish bere alady.
О́mir Esqalı.
Derekk: oblystyq «Soltústik Qazaqstan» gazeti.
Sýret: kaxarman.kz