Qazaqstan halqy Assambleıasynyń 30 jyldyǵyna arnalǵan jıyn joǵary deńgeıde ótti. Memleket basshysy Qasym-Jomart Kemelulynyń sózin erekshe atap ótkim keledi. Prezıdent óz baıandamasynda Assambleıanyń damý baǵytyn, bolashaqtaǵy vektoryn aıqyn kórsetti. Sonymen qatar halqymyzdyń dástúrin, mádenı murasyn saqtaý týraly oryndy sóz qozǵady.
Bul – tek qazirgi bizdiń Otanymyz úshin emes, jalpy damyp kele jatqan búgingi álem úshin de asa mańyzdy másele. Baǵyty aıqyn, qundylyqtary naqty el ǵana alǵa basa alady. Sondaı-aq Assambleıanyń basty ustanymynyń biri – óz halqyna, óz týǵan jerine paıdaly bolý. Naǵyz patrıotızmniń negizi de – osy. О́ıtkeni elge qyzmet etý – azamattyq boryshtyń eń bıik kórinisi.
Prezıdenttiń árbir Assambleıa múshesi, tipti árbir azamat – tárbıeleýshi rólin atqarady degen pikiri de kóńilge qonady. О́ıtkeni qoǵamnyń ózgerýi árkimniń ózinen bastalady.
Shyn máninde Qazaqstan halqy Assambleıasy el uıysýynyń berik tiregi, tatýlyqtyń temirqazyǵy bolyp keledi. Assambleıanyń eń úlken paıdasy – el ishindegi turaqtylyq pen kelisimdi saqtaý. Túrli ulttar men ulystardyń ókilderi bir shańyraq astynda tatý-tátti ómir súrip, bir-biriniń mádenıeti men tilin qurmettep, ortaq qundylyqtardy dáriptep keledi. Bul – beıbit ómir men órkendeýdiń bastaýy.
Sondaı-aq ol ulttyq sanany jańǵyrtatyn, rýhanı muralardy saqtaıtyn, urpaqtar sabaqtastyǵyn jalǵaıtyn altyn kópir rólin de atqarady. Tek etnostar arasyndaǵy dıalogtiń emes, azamattyq biregeılikti qalyptastyrýdyń da negizgi tetigine aınaldy.
Prezıdentimiz aıtqandaı, árbir azamat – elimizdiń bolashaǵyn qalyptastyratyn tulǵa. Al Assambleıa osy jaýapkershilikti tereń sezinip, elge qyzmet etýdiń úlgisin kórsetip otyr.
Sergeı SYRÝLNIKOV,
sportshy, tórt dúrkin álem rekordshysy