Qazaqstandaǵy bala quqyqtary jónindegi ýákil Dınara Zakıeva Almaty oblysynyń jeti aýdanynda júrgizilgen anonımdi saýalnama nátıjelerimen bólisti, dep habarlaıdy Egemen.kz.
Dınara Zakıevanyń habarlaýynsha, saýalnama Memleket basshysynyń tapsyrmasy aıasynda Bala quqyqtaryn qorǵaý komıtetimen jáne ózge de memlekettik organdarmen birlesip, Qarasaı, Balqash, Talǵar, Ile, Eńbekshiqazaq jáne Jambyl aýdandaryndaǵy mektepterde ótkizilgen.
«О́kinishke qaraı, Almaty oblysy Ile aýdanynda oqýshynyń basqa balalarǵa qatysty jasaǵan zorlyq-zombylyǵy – bul oblys mektepterindegi úlken júıeli problemanyń bir kórinisi. Oblys oqýshylarynyń arasynda anonımdi saýalnama júrgizdik, sondaı-aq olardyń anketalaryn zerttedik. Nátıjeleri bizdi selt etkizdi», dedi ol.
Saýalnama qorytyndysy boıynsha kelesideı zańbuzýshylyqtar anyqtalǵan:
Aqsha bopsalaý, tamaq tartyp alý jáne muǵalimder tarapynan kúsh qoldaný; Dene shynyqtyrý jáne algebra páni muǵalimderiniń oqýshylarǵa tıisýi; Eńbekshiqazaq aýdanynda muǵalimder tarapynan bolǵan zorlyqtan keıin eki oqýshynyń aýrýhanaǵa túsýi; Jambyl aýdanynda 5-synyp oqýshysyn top bolyp urý; 50 bala qatysqan jappaı tóbeles, jáne úlken synyp oqýshylarynyń kishilerden aqsha bopsalaýy;Ombýdsmenniń aıtýynsha, mektep ákimshilikteri quqyqbuzýshylyqtardy jasyryp otyr nemese múlde nazar aýdarmaıdy. Mektepterde júrgizilgen saýalnamada balalar býllıng pen bopsalaý bar ekenin kórsetkenimen, resmı esepterde bul kórsetkishter 0% dep kórsetilgen.
«Bul Almaty oblysyndaǵy tárbıe jumysynyń jáne quqyqtyq normalardyń oryndalýy óte tómen deńgeıde ekenin kórsetedi. Atalmysh faktilerdiń bárin biz oblys basshylyǵy, polısııa jáne ózge basqarmalarmen ótken qorytyndy jınalysta jarııa ettik. Sondaı-aq biz oblysqa jáne ýákiletti memlekettik organdarǵa joldanatyn anyqtama daıyndadyq», dedi Dınara Zakıeva.